Biyl aýa raiynyń qolaisyzdyǵy men ziiankesterdiń kóbeiýi kúnbaǵys maiynyń qymbattaýyna áser etýi múmkin, dep habarlaidy Dalanews.kz 31 arnaǵa silteme jasap.
Mai óndirýshilerdiń aitýynsha, byltyr qyrkúiekten beri kúnbaǵys tuqymynyń baǵasy 66 paiyzǵa ósken. Tiisinshe, ósimdik maiynyń baǵasy da kem degende jartysyna qymbattaýy tiis edi. Alaida otandyq óndirýshiler bul ósimdi ishki naryqqa emes, shetelge joǵary baǵamen eksport jasaý arqyly ustap otyr.
"Dizel otyny qymbattady, jalaqy da ósti – munyń bári kúnbaǵys ósirýdiń ózindik qunyna tikelei áser etedi. Biyl túrli ziiankes qaptady. Jyl sońyna deiin ósimdik maiynyń baǵasy kem degende 40–50 paiyzǵa ósedi dep boljap otyrmyn", – deidi agrarlyq sarapshy Kirill Pavlov.
Qazirgi tańda maidyń eń arzan baǵasy – litrine 700 teńge. Al Qazaqstanda kúnbaǵysty egýden bastap, mai óndirýge deiingi tolyq óndiristik tizbekti jolǵa qoiǵan jalǵyz aýyl sharýashylyǵy kooperativi – "Ertis-Agro". Olar deldaldardy alyp tastaý arqyly baǵany 500–600 teńgege deiin tómendetýdi kózdeýde.
"Tanapta kún-tún demei eńbek etetin sharýaǵa belgilenetin satyp alý baǵasy, ókinishke qarai, naryq zańdylyǵyna sai emes. Al óńdeýshiler: "Bizde shikizat tapshy", – deidi. Nege? Sebebi óndiris pen óńdeý arasynda naqty bailanys joq. Durys qurylǵan biznes-úderis joq, – deidi "Ertis-Agro" jáne Pavlodar oblysy fermerler qaýymdastyǵynyń tóraǵasy Erlan Toqtushaqov.
Onyń aitýynsha, kooperativ quramyna tek mai óndirýshiler men diqandardy ǵana emes, sonymen qatar elevatorlar men logistikalyq kompaniialardy da biriktirse, baǵany tómendetýge bolar edi. Alaida bul qadamǵa qoldanystaǵy zańnama múmkindik bermeidi.
"Qazirgi zań boiynsha, kooperativtiń quramyna tek aýyl sharýashylyǵy taýaryn óndirýshiler ǵana múshe bola alady. Al qajetti shikizat jetkizýshiler zań boiynsha kooperatsiia júiesine kire almaidy. Bul — damyǵan elderdiń bárinde sheshimin tapqan másele", – deidi ol.
Agrariialar qarjylandyrýdyń jetkiliksiz ekenin de atap ótti. Qazaqstanda astyq eksportyna sýbsidiia qarastyrylsa, mai eksportyna eshqandai qoldaý kórsetilmeidi. Bul da saladaǵy teńgerimsizdiktiń bir kórinisi.
