بيىل اۋا رايىنىڭ قولايسىزدىعى مەن زييانكەستەردٸڭ كٶبەيۋٸ كٷنباعىس مايىنىڭ قىمباتتاۋىنا ەسەر ەتۋٸ مٷمكٸن, دەپ حابارلايدى Dalanews.kz 31 ارناعا سٸلتەمە جاساپ.
ماي ٶندٸرۋشٸلەردٸڭ ايتۋىنشا, بىلتىر قىركٷيەكتەن بەرٸ كٷنباعىس تۇقىمىنىڭ باعاسى 66 پايىزعا ٶسكەن. تيٸسٸنشە, ٶسٸمدٸك مايىنىڭ باعاسى دا كەم دەگەندە جارتىسىنا قىمباتتاۋى تيٸس ەدٸ. الايدا وتاندىق ٶندٸرۋشٸلەر بۇل ٶسٸمدٸ ٸشكٸ نارىققا ەمەس, شەتەلگە جوعارى باعامەن ەكسپورت جاساۋ ارقىلى ۇستاپ وتىر.
"ديزەل وتىنى قىمباتتادى, جالاقى دا ٶستٸ – مۇنىڭ بەرٸ كٷنباعىس ٶسٸرۋدٸڭ ٶزٸندٸك قۇنىنا تٸكەلەي ەسەر ەتەدٸ. بيىل تٷرلٸ زييانكەس قاپتادى. جىل سوڭىنا دەيٸن ٶسٸمدٸك مايىنىڭ باعاسى كەم دەگەندە 40–50 پايىزعا ٶسەدٸ دەپ بولجاپ وتىرمىن", – دەيدٸ اگرارلىق ساراپشى كيريلل پاۆلوۆ.
قازٸرگٸ تاڭدا مايدىڭ ەڭ ارزان باعاسى – ليترٸنە 700 تەڭگە. ال قازاقستاندا كٷنباعىستى ەگۋدەن باستاپ, ماي ٶندٸرۋگە دەيٸنگٸ تولىق ٶندٸرٸستٸك تٸزبەكتٸ جولعا قويعان جالعىز اۋىل شارۋاشىلىعى كووپەراتيۆٸ – "ەرتٸس-اگرو". ولار دەلدالداردى الىپ تاستاۋ ارقىلى باعانى 500–600 تەڭگەگە دەيٸن تٶمەندەتۋدٸ كٶزدەۋدە.
"تاناپتا كٷن-تٷن دەمەي ەڭبەك ەتەتٸن شارۋاعا بەلگٸلەنەتٸن ساتىپ الۋ باعاسى, ٶكٸنٸشكە قاراي, نارىق زاڭدىلىعىنا ساي ەمەس. ال ٶڭدەۋشٸلەر: "بٸزدە شيكٸزات تاپشى", – دەيدٸ. نەگە? سەبەبٸ ٶندٸرٸس پەن ٶڭدەۋ اراسىندا ناقتى بايلانىس جوق. دۇرىس قۇرىلعان بيزنەس-ٷدەرٸس جوق, – دەيدٸ "ەرتٸس-اگرو" جەنە پاۆلودار وبلىسى فەرمەرلەر قاۋىمداستىعىنىڭ تٶراعاسى ەرلان توقتۇشاقوۆ.
ونىڭ ايتۋىنشا, كووپەراتيۆ قۇرامىنا تەك ماي ٶندٸرۋشٸلەر مەن ديقانداردى عانا ەمەس, سونىمەن قاتار ەلەۆاتورلار مەن لوگيستيكالىق كومپانييالاردى دا بٸرٸكتٸرسە, باعانى تٶمەندەتۋگە بولار ەدٸ. الايدا بۇل قادامعا قولدانىستاعى زاڭناما مٷمكٸندٸك بەرمەيدٸ.
"قازٸرگٸ زاڭ بويىنشا, كووپەراتيۆتٸڭ قۇرامىنا تەك اۋىل شارۋاشىلىعى تاۋارىن ٶندٸرۋشٸلەر عانا مٷشە بولا الادى. ال قاجەتتٸ شيكٸزات جەتكٸزۋشٸلەر زاڭ بويىنشا كووپەراتسييا جٷيەسٸنە كٸرە المايدى. بۇل — دامىعان ەلدەردٸڭ بەرٸندە شەشٸمٸن تاپقان مەسەلە", – دەيدٸ ول.
اگرارييالار قارجىلاندىرۋدىڭ جەتكٸلٸكسٸز ەكەنٸن دە اتاپ ٶتتٸ. قازاقستاندا استىق ەكسپورتىنا سۋبسيدييا قاراستىرىلسا, ماي ەكسپورتىنا ەشقانداي قولداۋ كٶرسەتٸلمەيدٸ. بۇل دا سالاداعى تەڭگەرٸمسٸزدٸكتٸڭ بٸر كٶرٸنٸسٸ.
