Jiynǵa QHA Tóraǵasynyń orynbasarlary Iu.Keligov pen Sh.Pýlatov, Nur-Sultan qalasy ákiminiń orynbasary B.Máken, QHA músheleri men etnobirlestikterdiń jetekshileri qatysty.
Kezdesý barysynda Assambleia Tóraǵasynyń orynbasary memleketimizdiń Konstitýtsiiasy ulty, násili, dini men basqa da ózgeshelikterine qaramastan, óziniń barlyq azamattarynyń múddelerin qorǵaýǵa kepildik beretinin atap ótti.
QHA ulttyq birliktiń memlekettik saiasatynyń senimdi tiregi bola turyp, turaqtylyqty nyǵaitýda mańyzdy ról atqarady.
Jambyl oblysy Qordai aýdanyndaǵy oqiǵada Assambleia shet qalmai, kikiljińdi shuǵyl sheshý úshin alǵashqy minýttarda-aq birqatar jumystar atqarǵan bolatyn.
J.Týimebaev qylmysta ult joq ekendigin atap ótti. Barlyq kináliler Zańǵa sáikes jaýapqa tartylady. Sonymen qatar ol kikiljińniń sebepterine toqtala otyryp, memlekettiń atalǵan másele boiynsha tolyq túsinigi men onyń sheshý algoritminiń bar ekendigin aita ketti.
Kezdesý barysynda «Birlik kóptúrlilikte» printsipi negizinde qoǵamdyq kelisim men ultaralyq birlikti nyǵaitý, etnosaralyq qatynastyń negizi retinde – memlekettik tildi úirený, jalpyulttyq tarihi sananyń damýy jáne t.b. boiynsha birqatar mindetter qoiyldy.
Óz kezeginde, etnomádeni birlestikterdiń jetekshileri Qazaqstan halqy Assambleiasynyń biriktirýshi róline nazar aýdardy. QHA basty mindet – etnostardy integratsiialaýdy oryndaýǵa járdemdesti. Táýelsizdik jyldar boiy birde-bir etnos jekelený strategiiasyn tańdaǵan joq jáne olardyń barlyǵy budan ári de qazaq halqynyń yntymaqshyldyǵy negizinde birlik pen kelisimdi nyǵaitýǵa daiyn ekenderin bildirdi.
Qoryta kele, QHA Tóraǵasynyń orynbasary etnomádeni birlestikterdiń jetekshilerin arandatýshylyqqa jol bermeýge shaqyrdy. Etnosaralyq qatynastar salasyndaǵy memlekettiń baǵyt-baǵdary men ustanǵan saiasaty ary qarai jalǵasa beredi.
