Qyzylorda “Bilim-Innovatsiia” litseiiniń sport alańqaiy men shaǵyn baǵy bar aýlasyn ákimshilik tartyp alyp, aǵashtardy kesip, fýtbol alańyn súrip tastap, ornyna arena salmaqshy, dep habarlaidy Dalanews.kz.
Halyqaralyq jáne Respýblikalyq dúbirli dodalarda 30 jyl ishinde oblystyq jáne Respýblikalyq olimpiadalardan 148 altyn, 362 kúmis jáne 526 qola medal alyp, oblystyń atyn shyǵaryp, Halyqaralyq báigelerden 16 altyn, 31 kúmis jáne 56 qola ielenip elimizdiń ataǵyn asqaqtatyp, oq boiy alǵa shyǵyp, júldeli oryndar ieleinip, kók týymyzdy sapaly bilimderi arqyly álemge tanytyp, elimizdiń dańqyn ǵylym jolynda shyǵaryp júrgen “Bilim-Innovatsiia” litseiiniń 2,1 ga jerin ákimshilik tartyp alyp, ornyna arena salatyny týraly 9 shildede habarlaǵan. Ákimshilik basqa nysanǵa paidalanýǵa bergeli otqan bul jerde litsei-internat túlekteriniń syiǵa tartyp, óz qarajattaryna salyp bergen fýtbol alańy bar. Oǵan qosa, abattandyrý jumystary júrgizilip, aǵashtar otyrǵyzylyp shaǵyn baq ta jaiqalǵan bolatyn. Jataqhanada jatyp oqityn 500 oqýshy bos ýaqyttarynda osy jerge kelip oiyn oinap, baqta demalyp, kitap oqityn. Al, Qyzylorda ákimshiligi balalardy bul múmkinshilikten aiyryp, olardy tórt qabyrǵaǵa qamap qoimaqshy.
Oǵan qosa, ákimshilik alyp qoiǵan jerge “Bilim-Innovatsiia” litseii oqýshylar úshin taǵy da tennis alańy(kort), sport alańyn salýdy josparlap otqan bolatyn. Tek oqýshylar úshin ǵana emes, sapaly tárbie men bilim beretin ustazdardy da jataqhanamen qamtamasyz etý úshin litsei basshylyǵy muǵalimderge arnalǵan jatyn oryn salmaqshy bolǵan. Ol azdai litseide jyldan-jylǵa kabinet tapshylǵy artyp keledi, osynyń aldyn alý maqsatynda litsei basshylyǵy qaramaǵynda bolǵan bos alańǵa sport zalyn salmaqshy bolǵan. Balalardyń serýendep, boi sergitip, tek bilimderin ǵana emes, denelerinde shynyqtyrý úshin jasalǵan jaǵdaidan balalardy aiyryp, Qyzylorda ákimshiligi ol orynǵa arena salmaqshy.
Bul máselege burynǵy Oqý-aǵartý ministri Ashat Aimaǵanbetov te bei-jai qaramai, máseleni ákimshilik durys shara qoldanyp, tiisti jaýabyn beretinine senim bildirip aitty.
Bul jaitqa “Bilim-Innovatsiia” litseiiniń oqýshylary jáne ata-analary narazylyqtaryn bildirýde. Onsyzda alaqandai mektep aýlasyn balalardan tartyp almai, arenany basqa jaqqa salýdy talap etedi. Buǵan deiin de litsei qaramaǵyndaǵy jerdi ákimshilik alyp qoiǵan bolatyn. Al ata-analar men oqýshylardyń narazylyǵyna qaramastan qurylys kólikterin litsei aýmaǵyna ornalastyryp qoiǵan.
Litsei-internatynda balasy oqityn Raziia Moldabekovanyń aitýynsha, salynǵaly jatqan sport kesheniniń saldarynan litsei-internaty oqýshylarynda tek ózderi oqityn ǵimarat qalǵaly otyr. Tipti syrtqa shyǵyp serýendep júretin jer qalmaiyn dep tur. Aptasyna úiine bir-aq ret baratyn oqýshylardy litseide sabaqtan shyqqan soń serýendep, boi sergitip, sportpen shuǵyldanatyn jaǵdaidan aiyryp otyr. Oblys ákiminiń orynbasary “Sport keshenine BIL oqýshylary úshin arnaiy jaǵdai jasap, tegin kirý múmkindigin beremiz”- dep ýáde etti deidi.
Alaida Raziia bul ýádeniń oryndalatynyna senbeidi. Óitkeni nysan jartylai jekemenshik bolady degen sybys taraǵan. Ony bylai qoiǵanda qanshama sporttyq sharalar men jarystar ótetin nysanda 500 bala emin-erkin litseiinde júrgendei júre almaidy. Al qazirgi sport alańy men saiabaǵynda balalarymyz qalaǵan ýaqyttarynda oiyn oinap, erkin serýendei alady.
“Biz halyq arenasynyń salynýyna eshqandai qarsy emespiz, biraq bizdiń balalarymyzdyń jerin tartyp almasa eken”- deidi ata-analar.
Raziianyń aitýynsha, bul keshendi salýǵa Qyzylordada basqa da jer jetkilikti, sondyqtan balalardyń jerin ózderine paidalanýǵa qaldyrýdy talap etedi.
