Qazaqstandyq taýar óndirýshiler Reestrin synaqtan ótkizý kezeńi aiaqtaldy. Memlekettik tsifrlyq servis - taýardyń Qazaqstanda óndirilgenin dáleldep, memleket tarapynan kórsetiletin qoldaýdyń ashyqtyǵyn qamtamasyz etedi.
QR Ónerkásip jáne qurylys ministrligi «Elektrondyq qarjy ortalyǵy» AQ birlese otyryp, synaqqa qatysqan qazaqstandyq taýar óndirýshilerdiń barlyq usynystaryn muqiiat taldap jatyr. Sońǵy túzetýler engizilgennen keiin tsifrlyq servis iske qosylady.
Qazaqstandyq taýar óndirýshiler Reestrine kásiporynnyń árbir ónimi shynymen Qazaqstanda óndirilgeni tekserilgennen keiin engiziledi.
Júie Qazaqstan aýmaǵynda júzege asyrylatyn tehnologiialyq operatsiialardy jáne óndiristiń lokalizatsiia normalaryna sáikestigin taldaidy. Munyń nátijesinde munai óńdeý, himiia, mashina jasaýdan bastap, aǵash óńdeý, jeńil jáne jihaz ónerkásibi sekildibarlyq salalar úshin biryńǵai ári ashyq talaptar belgilenedi.
1. Lokalizatsiia jáne ishki qun úlesin baǵalaý
Servis óndirýshige óz ónimine sai SEQ TN kodyn tańdaýǵa múmkindik beredi. Osydan keiin júie ónimniń resmi ataýyn avtomatty túrde shyǵaryp, qazaqstandyq ónim ekenin rastaý úshin qajetti óndiris sharttary men tehnologiialyq operatsiialar tizimin, sondai-aq osy taýar túrine belgilengen eń tómengi lokalizatsiia deńgeiin kórsetedi. Reestrde barlyǵy 3 371 taýar toby SEQ TN kodtary boiynsha qamtylǵan.
Kásiporyn Qazaqstanda júzege asyrylatyn tehnologiialyq operatsiialardy myna málimetter arqyly rastaidy:
Sonymen qatar, qazaqstandyq qun úlesi bekitilgen formýla boiynsha esepteledi, ol importtyq shikizat pen materialdardyń quny men daiyn ónimniń ózindik qunyn qamtidy.
Servis berilgen aqparatty tańdalǵan SEQ TN kodyna sáikes operatsiialar tizimimen avtomatty túrde salystyrady. Eger rastalǵan óndiris satylarynyń sany men eseptelgen qun úlesi belgilengen minimýmnan kem bolmasa, ónim Qazaqstanda óndirilgen bolyp sanalady.
2. Óndiristik infraqurylym men jabdyqtyń bolýy
Óndiris protsesiniń shynaiylyǵyn dáleldeý úshin kásiporyn ár ónim úshin jumys isteitin óndiristik alańdar men jabdyqqa ie bolýy kerek. Óndiris oryndary men jabdyqtar týraly aqparat kásiporynnyń jeke kabinetine, Reestrdiń tsifrlyq profiline aldyn ala engiziledi.
Tsifrlyq tekserýden ótkennen keiin ótinish salalyq komissiianyń qaraýyna jiberiledi. Ónimdi Reestrge engizý týraly sheshim barlyq usynylǵan derekterdiń keshendi baǵalaýy negizinde qabyldanady. Bul tásil tekserýlerdiń obektivti jáne ashyq ótýin qamtamasyzetedi.
