قازاقستاندىق تاۋار وندىرۋشىلەر رەەسترىن سىناقتان وتكىزۋ كەزەڭى اياقتالدى. مەملەكەتتىك سيفرلىق سەرۆيس - تاۋاردىڭ قازاقستاندا وندىرىلگەنىن دالەلدەپ، مەملەكەت تاراپىنان كورسەتىلەتىن قولداۋدىڭ اشىقتىعىن قامتاماسىز ەتەءدى.
ق ر ونەركاسىپ جانە قۇرىلىس مينيسترلىگى «ەلەكتروندىق قارجى ورتالىعى» اق بىرلەسە وتىرىپ، سىناققا قاتىسقان قازاقستاندىق تاۋار وندىرۋشىلەردىڭ بارلىق ۇسىنىستارىن مۇقيات تالداپ جاتىر. سوڭعى تۇزەتۋلەر ەنگىزىلگەننەن كەيىن سيفرلىق سەرۆيس ىسكە قوسىلادى.
قازاقستاندىق تاۋار وندىرۋشىلەر رەەسترىنە كاسىپورىننىڭ ءاربىر ءونىمى شىنىمەن قازاقستاندا وندىرىلگەنى تەكسەرىلگەننەن كەيىن ەنگىزىلەدى.
جۇيە قازاقستان اۋماعىندا جۇزەگە اسىرىلاتىن تەحنولوگيالىق وپەراسيالاردى جانە ءوندىرىستىڭ لوكاليزاسيا نورمالارىنا سايكەستىگىن تالدايدى. مۇنىڭ ناتيجەسىندە مۇناي وڭدەۋ، حيميا، ماشينا جاساۋدان باستاپ، اعاش وڭدەۋ، جەڭىل جانە جيھاز ونەركاسىبى سەكىلدىبارلىق سالالار ءۇشىن ءبىرىڭعاي ءارى اشىق تالاپتار بەلگىلەنەدءى.
1. لوكاليزاسيا جانە ىشكى قۇن ۇلەسىن باعالاۋ
سەرۆيس وندىرۋشىگە ءوز ونىمىنە ساي سەق تن كودىن تاڭداۋعا مۇمكىندىك بەرەدى. وسىدان كەيىن جۇيە ءونىمنىڭ رەسمي اتاۋىن اۆتوماتتى تۇردە شىعارىپ، قازاقستاندىق ءونىم ەكەنىن راستاۋ ءۇشىن قاجەتتى ءوندىرىس شارتتارى مەن تەحنولوگيالىق وپەراسيالار ءتىزىمىن، سونداي-اق وسى تاۋار تۇرىنە بەلگىلەنگەن ەڭ تومەنگى لوكاليزاسيا دەڭگەيىن كورسەتەدى. رەەستردە بارلىعى 3 371 تاۋار توبى سەق تن كودتارى بويىنشا قامتىلعان.
كاسىپورىن قازاقستاندا جۇزەگە اسىرىلاتىن تەحنولوگيالىق وپەراسيالاردى مىنا مالىمەتتەر ارقىلى راستايدى:
سونىمەن قاتار، قازاقستاندىق قۇن ۇلەسى بەكىتىلگەن فورمۋلا بويىنشا ەسەپتەلەدى، ول يمپورتتىق شيكىزات پەن ماتەريالداردىڭ قۇنى مەن دايىن ءونىمنىڭ وزىندىك قۇنىن قامتيدى.
سەرۆيس بەرىلگەن اقپاراتتى تاڭدالعان سەق تن كودىنا سايكەس وپەراسيالار تىزىمىمەن اۆتوماتتى تۇردە سالىستىرادى. ەگەر راستالعان ءوندىرىس ساتىلارىنىڭ سانى مەن ەسەپتەلگەن قۇن ۇلەسى بەلگىلەنگەن مينيمۋمنان كەم بولماسا، ءونىم قازاقستاندا وندىرىلگەن بولىپ سانالادى.
2. وندىرىستىك ينفراقۇرىلىم مەن جابدىقتىڭ بولۋى
ءوندىرىس پروسەسىنىڭ شىنايىلىعىن دالەلدەۋ ءۇشىن كاسىپورىن ءار ءونىم ءۇشىن جۇمىس ىستەيتىن وندىرىستىك الاڭدار مەن جابدىققا يە بولۋى كەرەك. ءوندىرىس ورىندارى مەن جابدىقتار تۋرالى اقپارات كاسىپورىننىڭ جەكە كابينەتىنە، رەەستردىڭ سيفرلىق پروفيلىنە الدىن الا ەنگىزىلەدى.
سيفرلىق تەكسەرۋدەن وتكەننەن كەيىن ءوتىنىش سالالىق كوميسسيانىڭ قاراۋىنا جىبەرىلەدى. ءونىمدى رەەسترگە ەنگىزۋ تۋرالى شەشىم بارلىق ۇسىنىلعان دەرەكتەردىڭ كەشەندى باعالاۋى نەگىزىندە قابىلدانادى. بۇل ءتاسىل تەكسەرۋلەردىڭ وبەكتيۆتى جانە اشىق ءوتۋىن قامتاماسىزەتەدى.
