30 qazannyń tańynda Ekaterinbýrgtiń ońtústik-batys orman saiabaǵynan 41 jastaǵy áieldiń basy shabylǵan máiiti tabyldy, dep habarlaidy Dalanews.kz.
Deneni tańǵy júgirýge shyqqan qala turǵyny baiqap qalǵan. Bul týraly URA agenttigi habarlady.
Tergeý málimetinshe, marqum men onyń 21 jastaǵy uly 2023 jyly Qyrǵyzstannan Ekaterinbýrgke kóship kelgen. Áiel saýda ortalyǵynda jumys istegen, al uly jumyssyz júrgen.
Tergeý boljamy boiynsha, 20 qazanda kúdikti orman mańyndaǵy janarmai beketiniń qasynda anasyn óltirip, keiin qylmystyń izin jasyrý úshin onyń basyn kesip tastaǵan.
Sverdlov oblysy boiynsha Tergeý komiteti Resei Qylmystyq kodeksiniń 105-baby («Kisi óltirý») boiynsha aýyr qylmys deregimen is qozǵady.
Kúdiktiniń birge turǵan páterinde (onymen birge tórt adam turǵan) tintý júrgizilgen. Er adam qazir qamaýda. Tergeýshiler qylmystyń sebepteri men tolyq jaǵdaiyn anyqtap jatyr.
