Búgin Memleket basshysy "Qazaqstan – akademıalyq bilim aımaǵy" strategıalyq seriktester forýmynda sóz sóıledi, dep habarlaıdy Dalanews.kz.
Prezıdent elimizdegi joǵary oqý oryndarynyń bedeldi halyqaralyq reıtıńterdegi kórsetkishi jaqsaryp kele jatqanyn aıtty.
"QS halyqaralyq reıtıń agenttiginiń prezıdenti Nýnsıo Kvakvarellı myrza óz baıandamasynda bul máselege keńinen toqtaldy, Qazaqstan ýnıversıtetteriniń qarqyndy damyp kele jatqanyn erekshe atap ótti. Biz ortaq maqsat jolynda kúsh biriktirip, áriptestigimizdi nyǵaıta túsýge múddelimiz, birlesip jumys isteýge qashanda daıynbyz. Sondaı-aq elimizdiń 5 ýnıversıteti Times Higher Education basylymy usynǵan álemdegi úzdik oqý oryndarynyń tizimine qosyldy. Bul da biz úshin zor jetistik", – dedi Prezıdent.
