Ishki ister ministrligi azamattarǵa úndeý jasady, dep habarlaidy Dalanews.kz.
"Qurmetti azamattar! Sońǵy ýaqytta áleýmettik jelilerde "haip", laik nemese túrli konkýrstar úshin jasalatyn arandatýshylyq áreketter kóbeiip barady. Keibir jastar saýda ortalyqtarynda nemese kóshede aiǵailap, jartylai jalańash júgirip, jurtqa kedergi keltirip, ózderin "shoý" etip túsirip júr. Mundai áreketter úshin zańda jaýapkershilik qarastyrylǵan. Jýyrda elordada bolǵan osyndai oqiǵa boiynsha quqyqbuzýshy 15 táýlikke ákimshilik qamaýǵa alyndy. Laik jinaý úshin jasalǵan mundai áreket batyldyq ta, kreativ te emes. Bul – qoǵamdyq tártipti buzý, kópshilikke qurmetsizdik kórsetý, ar-uiatqa jat qylyq", - dedi politsiia.
IIM ókiliniń aitýynsha, qoǵamdyq orynda jasalǵan kez kelgen zańǵa qaishy nemese uiat áreketke jol berilmeidi.
"Zańǵa sáikes jaýapqa tartylady. Barshaǵa, ásirese, jastarǵa aitarymyz: kúmándi internet trendterge ermeńizder. Ózińizdi de, ainaladaǵy adamdardy da qurmetteńizder. Naǵyz qurmet pen abyroi jaqsy is, paidaly oi, durys áreket arqyly keledi", - dedi departament bastyǵy - IIM resmi ókili Shyńǵys Alekeshev.
