Tarazda qyzdy kúshtep kólikke otyrǵyzyp, “alyp qashqan” Almatynyń úsh turǵyny úiqamaqqa alyndy, dep habarlaidy Dalanews.kz Orda.kz-ke silteme jasap.
Is QR Qylmystyq kodeksiniń 125-1-baby «Nekege turýǵa májbúrleý» boiynsha tergelip jatyr.
Buǵan deiin áleýmettik jelide aialdamada turǵan qyzdy birneshe er adam kólikke kúshtep otyrǵyzyp áketken sát túsirilgen video taraǵan. Kadrda qyz janushyryp aiqailap, kómek suraǵany estiledi.
Basylymnyń málimetinshe, kúdiktiler qyzdy turmysqa shyǵarý maqsatynda “alyp qashqan”. Al jábirlenýshi alǵashqy tergeýde ózin kimderdiń urlaǵanyn bilmegenin, sol sebepti kómek suraǵanyn aitqan. Keiin olardyń jigitiniń dostary ekenin bilgen. Taraptar bir-birine shaǵym túsirmegen.
Eske salaiyq, jýyrda Qylmystyq kodekske engizilgen ózgeristerge sáikes, “qyz alyp qashý” endi “Adam urlaý” babynyń quramyna engizildi. Bul bap boiynsha jaza edáýir qatańdatylǵan.
