تارازدا قىزدى كۇشتەپ كولىككە وتىرعىزىپ، “الىپ قاشقان” الماتىنىڭ ءۇش تۇرعىنى ءۇيقاماققا الىندى، دەپ حابارلايدى Dalanews.kz Orda.kz-كە سىلتەمە جاساپ.
ءىس ق ر قىلمىستىق كودەكسىنىڭ 125-1-بابى «نەكەگە تۇرۋعا ماجبۇرلەۋ» بويىنشا تەرگەلىپ جاتىر.
بۇعان دەيىن الەۋمەتتىك جەلىدە ايالدامادا تۇرعان قىزدى بىرنەشە ەر ادام كولىككە كۇشتەپ وتىرعىزىپ اكەتكەن ءسات تۇسىرىلگەن ۆيدەو تاراعان. كادردا قىز جانۇشىرىپ ايقايلاپ، كومەك سۇراعانى ەستىلەدى.
باسىلىمنىڭ مالىمەتىنشە، كۇدىكتىلەر قىزدى تۇرمىسقا شىعارۋ ماقساتىندا “الىپ قاشقان”. ال جابىرلەنۋشى العاشقى تەرگەۋدە ءوزىن كىمدەردىڭ ۇرلاعانىن بىلمەگەنىن، سول سەبەپتى كومەك سۇراعانىن ايتقان. كەيىن ولاردىڭ جىگىتىنىڭ دوستارى ەكەنىن بىلگەن. تاراپتار بىر-بىرىنە شاعىم تۇسىرمەگەن.
ەسكە سالايىق، جۋىردا قىلمىستىق كودەكسكە ەنگىزىلگەن وزگەرىستەرگە سايكەس، “قىز الىپ قاشۋ” ەندى “ادام ۇرلاۋ” بابىنىڭ قۇرامىنا ەنگىزىلدى. بۇل باپ بويىنشا جازا ەداۋىر قاتاڭداتىلعان.
