قىتاي تايۆانعا قارۋ-جاراق جەتكٸزۋگە قاتىسى بار اقش-تىڭ 20 ەسكەري كومپانيياسى مەن 10 جوعارى لاۋازىمدى باسشىسىنا قارسى سانكتسييالار ەنگٸزٸپ, ۆاشينگتوندى ارالعا ەسكەري قولداۋ كٶرسەتۋدٸ توقتاتۋعا شاقىردى, دەپ حابارلايدى dalanews.kz.
قىتاي سىرتقى ٸستەر مينيسترلٸگٸنٸڭ مەلٸمەتٸنشە, شەكتەۋ شارالارى اقش-تىڭ تايۆانعا ٸرٸ كٶلەمدە قارۋ ساتۋ تۋرالى شەشٸمٸنە جاۋاپ رەتٸندە قابىلدانعان. بەيجٸڭ بۇل ەرەكەتتٸ قىتايدىڭ ەگەمەندٸگٸ مەن اۋماقتىق تۇتاستىعىنا نۇقسان كەلتٸرەدٸ دەپ سانايدى.
سانكتسيياعا ٸلٸككەن كومپانييالار مەن باسشىلاردىڭ قىتاي اۋماعىنداعى اكتيۆتەرٸ بۇعاتتالىپ, ولارعا قاتىستى بٸرقاتار شەكتەۋ ەنگٸزٸلەدٸ. سونىمەن قاتار قىتاي ۇيىمدارىنا سانكتسييا تٸزٸمٸندەگٸ تۇلعالارمەن ٸسكەرلٸك بايلانىس ورناتۋعا تىيىم سالىنادى.
قىتاي تاراپى تايۆان مەسەلەسٸن اقش-پەن قارىم-قاتىناستاعى ەڭ ماڭىزدى ەرٸ شەگٸنەن اتتاۋعا بولمايتىن مەسەلەلەردٸڭ بٸرٸ دەپ اتادى. بەيجٸڭ ۆاشينگتوندى «بٸر قىتاي» قاعيداتىن ساقتاۋعا جەنە تايۆانعا قارۋ جەتكٸزۋدٸ توقتاتۋعا شاقىردى.
تايۆان ٶزٸن-ٶزٸ باسقاراتىن دەموكراتييالىق ارال بولعانىمەن, قىتاي ونى ٶز اۋماعىنىڭ بٸر بٶلٸگٸ دەپ ەسەپتەيدٸ. اقش تايۆانمەن رەسمي ديپلوماتييالىق قاتىناس ورناتپاعانىمەن, ونىڭ قورعانىس قابٸلەتٸن قولداپ كەلەدٸ. وسى مەسەلە ەكٸ ٸرٸ دەرجاۆا اراسىنداعى نەگٸزگٸ قايشىلىقتاردىڭ بٸرٸ بولىپ وتىر.
