Qytai Taivanǵa qarý-jaraq jetkizýge qatysy bar AQSh-tyń 20 áskeri kompaniiasy men 10 joǵary laýazymdy basshysyna qarsy sanktsiialar engizip, Vashingtondy aralǵa áskeri qoldaý kórsetýdi toqtatýǵa shaqyrdy, dep habarlaidy dalanews.kz.
Qytai Syrtqy ister ministrliginiń málimetinshe, shekteý sharalary AQSh-tyń Taivanǵa iri kólemde qarý satý týraly sheshimine jaýap retinde qabyldanǵan. Beijiń bul áreketti Qytaidyń egemendigi men aýmaqtyq tutastyǵyna nuqsan keltiredi dep sanaidy.
Sanktsiiaǵa ilikken kompaniialar men basshylardyń Qytai aýmaǵyndaǵy aktivteri buǵattalyp, olarǵa qatysty birqatar shekteý engiziledi. Sonymen qatar Qytai uiymdaryna sanktsiia tizimindegi tulǵalarmen iskerlik bailanys ornatýǵa tyiym salynady.
Qytai tarapy Taivan máselesin AQSh-pen qarym-qatynastaǵy eń mańyzdy ári sheginen attaýǵa bolmaityn máselelerdiń biri dep atady. Beijiń Vashingtondy «Bir Qytai» qaǵidatyn saqtaýǵa jáne Taivanǵa qarý jetkizýdi toqtatýǵa shaqyrdy.
Taivan ózin-ózi basqaratyn demokratiialyq aral bolǵanymen, Qytai ony óz aýmaǵynyń bir bóligi dep esepteidi. AQSh Taivanmen resmi diplomatiialyq qatynas ornatpaǵanymen, onyń qorǵanys qabiletin qoldap keledi. Osy másele eki iri derjava arasyndaǵy negizgi qaishylyqtardyń biri bolyp otyr.
