الماتىنىڭ ناۋرىزباي اۋدانىنداعى «نۇرلى دالا» تۇرعىن ٷي كەشەنٸندە ٷش اۋلانى اعىمداعى جٶندەۋ جۇمىستارى اياقتالدى. جٶندەۋ رايىمبەك داڭعىلى بويىنداعى 11 تۇرعىن ٷيدٸڭ اۋلاسىن قامتىدى. سونىڭ نەتيجەسٸندە اۋلا ينفراقۇرىلىمى جاقسارىپ, بالالار مەن سپورت الاڭدارى رەتكە كەلتٸرٸلٸپ, اۋماق كٶگالداندىرىلدى, دەپ حابارلايدى dalanews.kz.
«نۇرلى دالا» تۇرعىن ٷي كەشەنٸ 24 ٷيدەن, 2 828 پەتەردەن جەنە 41 كٸرەبەرٸستەن تۇرادى. عيماراتتار 2019-2020 جىلدارى پايدالانۋعا بەرٸلگەن. تۇرعىندار قونىستانعالى بەرٸ اۋلالاردا اعىمداعى جٶندەۋ جٷرگٸزٸلمەگەن. سوندىقتان بۇل جۇمىستار تۇرعىندارعا قولايلى ورتا قالىپتاستىرۋداعى ماڭىزدى قادام بولدى.
جوبا اياسىندا اسفالت جابىنى مەن تروتۋارلار جاڭارتىلىپ, شاعىن سەۋلەت نىساندارى, كٶشە ترەناجەرلەرٸ جەنە قورشاۋ ورناتىلدى, سۋارۋ جٷيەسٸ جاسالدى. سونداي-اق, ويىن جەنە سپورت ايماقتارى كٶركەيتٸلٸپ, كٶگالداندىرۋ جۇمىستارى جٷرگٸزٸلدٸ, تۇرعىنداردىڭ جايلى دەمالۋىنا جاعداي جاسالدى.
اۋلا اۋماقتارىن كٶركەيتۋ اياسىندا 2 490 بۇتا جەنە 39 گٷل ەگٸلدٸ. جاسىل جەلەكتٸ سۋارۋ ٷشٸن 930 مەتر تامشىلاتىپ سۋارۋ جەلٸسٸ تارتىلدى. بالالار جەنە سپورت الاڭدارىنا 2 123 م² تارتان جابىنى تٶسەلدٸ. بۇدان بٶلەك, 2 250 شارشى مەتر اسفالت جابىنى جاڭارتىلىپ, اۋلاٸشٸلٸك جولدار مەن جٷرگٸنشٸلەرگە ارنالعان اۋماقتاردىڭ جاعدايى جاقساردى.
اۋلا كەڭٸستٸگٸن رەتكە كەلتٸرٸپ, دەمالىس جەنە سپورت ايماقتارىن بٶلٸپ كٶرسەتۋ ٷشٸن 454 مەتر قورشاۋ ورناتىلدى. تۇرعىنداردىڭ اشىق اۋادا جاتتىعۋىنا ارنالعان 24 كٶشە ترەناجەرٸ مەن دەمالۋعا قولايلى جاعداي جاسايتىن 25 شاعىن سەۋلەت نىسانى قويىلدى.
جٶندەۋ جۇمىستارى 2026 جىلعى تامىزدا باستالىپ, قازاندا اياقتالدى.
سونىڭ نەتيجەسٸندە ٷش اۋلا جاڭارىپ, سەرۋەندەۋگە, سپورتپەن اينالىسۋعا جەنە بالالاردىڭ ويناۋىنا قولايلى جاعداي جاسالدى. جوبا تۇرعىندار ٷشٸن جايلى ەرٸ قاۋٸپسٸز ورتا قالىپتاستىرۋعا جەنە قالالىق ورتانىڭ ساپاسىن ارتتىرۋعا باعىتتالعان.
