Almatynyń Naýryzbai aýdanyndaǵy «Nurly Dala» turǵyn úi kesheninde úsh aýlany aǵymdaǵy jóndeý jumystary aiaqtaldy. Jóndeý Raiymbek dańǵyly boiyndaǵy 11 turǵyn úidiń aýlasyn qamtydy. Sonyń nátijesinde aýla infraqurylymy jaqsaryp, balalar men sport alańdary retke keltirilip, aýmaq kógaldandyryldy, dep habarlaidy dalanews.kz.
«Nurly Dala» turǵyn úi kesheni 24 úiden, 2 828 páterden jáne 41 kireberisten turady. Ǵimarattar 2019-2020 jyldary paidalanýǵa berilgen. Turǵyndar qonystanǵaly beri aýlalarda aǵymdaǵy jóndeý júrgizilmegen. Sondyqtan bul jumystar turǵyndarǵa qolaily orta qalyptastyrýdaǵy mańyzdy qadam boldy.
Joba aiasynda asfalt jabyny men trotýarlar jańartylyp, shaǵyn sáýlet nysandary, kóshe trenajerleri jáne qorshaý ornatyldy, sýarý júiesi jasaldy. Sondai-aq, oiyn jáne sport aimaqtary kórkeitilip, kógaldandyrý jumystary júrgizildi, turǵyndardyń jaily demalýyna jaǵdai jasaldy.
Aýla aýmaqtaryn kórkeitý aiasynda 2 490 buta jáne 39 gúl egildi. Jasyl jelekti sýarý úshin 930 metr tamshylatyp sýarý jelisi tartyldy. Balalar jáne sport alańdaryna 2 123 m² tartan jabyny tóseldi. Budan bólek, 2 250 sharshy metr asfalt jabyny jańartylyp, aýlaishilik joldar men júrginshilerge arnalǵan aýmaqtardyń jaǵdaiy jaqsardy.
Aýla keńistigin retke keltirip, demalys jáne sport aimaqtaryn bólip kórsetý úshin 454 metr qorshaý ornatyldy. Turǵyndardyń ashyq aýada jattyǵýyna arnalǵan 24 kóshe trenajeri men demalýǵa qolaily jaǵdai jasaityn 25 shaǵyn sáýlet nysany qoiyldy.
Jóndeý jumystary 2026 jylǵy tamyzda bastalyp, qazanda aiaqtaldy.
Sonyń nátijesinde úsh aýla jańaryp, serýendeýge, sportpen ainalysýǵa jáne balalardyń oinaýyna qolaily jaǵdai jasaldy. Joba turǵyndar úshin jaily ári qaýipsiz orta qalyptastyrýǵa jáne qalalyq ortanyń sapasyn arttyrýǵa baǵyttalǵan.
