Kaspi.kz kompaniiasynyń basshysy ári negizin qalaýshy Mihail Lomtadze jańa innovatsiialyq qyzmet — Kaspi Alaqan júiesin tanystyrdy. Endi qazaqstandyqtar alaqan biometriiasy arqyly, iaǵni qolyn terminalǵa jaqyndatý arqyly tólem jasai alady, dep habarlaidy Dalanews.kz.
Jańa fýnktsiianyń tanystyrylymy 31 qazanda Almatyda ótti. Prezentatsiia barysynda Mihail Lomtadze sahnaǵa UFC jaýyngeri Shavkat Rahmonovty shaqyryp, júieniń qalai jumys isteitinin kórsetti.
Shavkat sahnada qol massajerin satyp alyp, tólemdi Kaspi Alaqan júiesi arqyly jasady. Bul – simvoldyq syilyq boldy. Qurylǵynyń baǵasy 42 900 teńge bolsa, Kaspi-diń arnaiy jeńildigimen bar-joǵy 99 teńgege satyp alyndy.
«Bul smartfondy qaltadan shyǵarǵannan da jyldam», — dep atap ótti Mihail Lomtadze. Onyń aitýynsha, Kaspi Alaqan tehnologiiasy kompaniianyń ishki qaýipsizdik sheshimderi men Kaspi ID júiesine negizdelgen.
Jańa servis 2025 jyldyń jeltoqsan aiynda iske qosylady. Aldymen Almatynyń iri saýda ortalyqtarynda, keiin búkil Qazaqstan boiynsha qoljetimdi bolmaq. Sondai-aq bankomattarda da alaqanmen tólem jasaý múmkindigi qarastyrylǵan.
Kaspi ókilderi júieniń basty artyqshylyqtary — joǵary qaýipsizdik, jyldamdyq jáne yńǵailylyq ekenin atap ótti. Endi paidalanýshylarǵa karta nemese telefon izdep áýre bolýdyń qajeti joq — tólem jasaý úshin alaqandy terminalǵa jaqyndatý jetkilikti.
Kaspi seriktesteri úshin alǵashqy úsh aida 0% komissiia naýqany qarastyrylǵan. Almatyda qazirdiń ózinde 20 myńǵa jýyq jańa qurylǵy ornatylǵan.
Aita ketsek, alaqan biometriiasyna negizdelgen osyndai ideiany buǵan deiin qazaqstandyq Alaqan startapy da tanystyrǵan edi. Alaida Kaspi bul sheshimdi óz ekojúiesine tolyq biriktirip, jappai qoldanysqa daiyndap otyr.
Mihail Lomtadze Kaspi Alaqan tehnologiiasy Qytaida tanymal uqsas júielerden innovatsiialyq aiyrmashylyǵy bar, ári qazaqstandyq naryqqa beiimdelgenin aitty.
