Kaspi.kz كومپانيياسىنىڭ باسشىسى ەرٸ نەگٸزٸن قالاۋشى ميحايل لومتادزە جاڭا يننوۆاتسييالىق قىزمەت — Kaspi Alaqan جٷيەسٸن تانىستىردى. ەندٸ قازاقستاندىقتار الاقان بيومەتريياسى ارقىلى, ياعني قولىن تەرمينالعا جاقىنداتۋ ارقىلى تٶلەم جاساي الادى, دەپ حابارلايدى Dalanews.kz.
جاڭا فۋنكتسييانىڭ تانىستىرىلىمى 31 قازاندا الماتىدا ٶتتٸ. پرەزەنتاتسييا بارىسىندا ميحايل لومتادزە ساحناعا UFC جاۋىنگەرٸ شاۆكات راحمونوۆتى شاقىرىپ, جٷيەنٸڭ قالاي جۇمىس ٸستەيتٸنٸن كٶرسەتتٸ.
شاۆكات ساحنادا قول ماسساجەرٸن ساتىپ الىپ, تٶلەمدٸ Kaspi Alaqan جٷيەسٸ ارقىلى جاسادى. بۇل – سيمۆولدىق سىيلىق بولدى. قۇرىلعىنىڭ باعاسى 42 900 تەڭگە بولسا, Kaspi-دٸڭ ارنايى جەڭٸلدٸگٸمەن بار-جوعى 99 تەڭگەگە ساتىپ الىندى.
«بۇل سمارتفوندى قالتادان شىعارعاننان دا جىلدام», — دەپ اتاپ ٶتتٸ ميحايل لومتادزە. ونىڭ ايتۋىنشا, Kaspi Alaqan تەحنولوگيياسى كومپانييانىڭ ٸشكٸ قاۋٸپسٸزدٸك شەشٸمدەرٸ مەن Kaspi ID جٷيەسٸنە نەگٸزدەلگەن.
جاڭا سەرۆيس 2025 جىلدىڭ جەلتوقسان ايىندا ٸسكە قوسىلادى. الدىمەن الماتىنىڭ ٸرٸ ساۋدا ورتالىقتارىندا, كەيٸن بٷكٸل قازاقستان بويىنشا قولجەتٸمدٸ بولماق. سونداي-اق بانكوماتتاردا دا الاقانمەن تٶلەم جاساۋ مٷمكٸندٸگٸ قاراستىرىلعان.
Kaspi ٶكٸلدەرٸ جٷيەنٸڭ باستى ارتىقشىلىقتارى — جوعارى قاۋٸپسٸزدٸك, جىلدامدىق جەنە ىڭعايلىلىق ەكەنٸن اتاپ ٶتتٸ. ەندٸ پايدالانۋشىلارعا كارتا نەمەسە تەلەفون ٸزدەپ ەۋرە بولۋدىڭ قاجەتٸ جوق — تٶلەم جاساۋ ٷشٸن الاقاندى تەرمينالعا جاقىنداتۋ جەتكٸلٸكتٸ.
Kaspi سەرٸكتەستەرٸ ٷشٸن العاشقى ٷش ايدا 0% كوميسسييا ناۋقانى قاراستىرىلعان. الماتىدا قازٸردٸڭ ٶزٸندە 20 مىڭعا جۋىق جاڭا قۇرىلعى ورناتىلعان.
ايتا كەتسەك, الاقان بيومەتريياسىنا نەگٸزدەلگەن وسىنداي يدەيانى بۇعان دەيٸن قازاقستاندىق Alaqan ستارتاپى دا تانىستىرعان ەدٸ. الايدا Kaspi بۇل شەشٸمدٸ ٶز ەكوجٷيەسٸنە تولىق بٸرٸكتٸرٸپ, جاپپاي قولدانىسقا دايىنداپ وتىر.
ميحايل لومتادزە Kaspi Alaqan تەحنولوگيياسى قىتايدا تانىمال ۇقساس جٷيەلەردەن يننوۆاتسييالىق ايىرماشىلىعى بار, ەرٸ قازاقستاندىق نارىققا بەيٸمدەلگەنٸن ايتتى.
