حيۋستون قالاسىندا 29 سەۋٸر مەن 2 مامىر ارالىعىندا STEM سالاسىنداعى ەڭ بەدەلدٸ جارىس — FIRST World Championship روبوتوتەحنيكا بويىنشا ەلەم چەمپيوناتى ٶتتٸ, دەپ حابارلايدى dalanews.kz.
بۇل جارىسقا 66 ەلدەن ەڭ مىقتى جاس ينجەنەرلەر قاتىستى. FTC ساناتىندا 342 ەلەمدٸك كوماندا اراسىنان قازاقستاندى 12 ٷزدٸك مەكتەپ كومانداسى تانىستىردى.
استانا قالاسىنداعى رەسپۋبليكالىق فيزيكا-ماتەماتيكا مەكتەبٸن چەمپيوناتتا ەكٸ كوماندا — FoxSlide جەنە Fizmat Robotics ۇسىندى. بۇل مەكتەپ وقۋشىلارىنىڭ جوعارى دايىندىق دەڭگەيٸن جەنە ينجەنەرلٸك بٸلٸم بەرۋ باعىتىنداعى جٷيەلٸ جۇمىستى كٶرسەتەدٸ. FoxSlide كومانداسى پلەي-وفف كەزەڭٸنە ٶتٸپ, ەلەمدٸك دەڭگەيدە بەسەكەگە قابٸلەتتٸ ەكەنٸن دەلەلدەپ, جاس ينجەنەرلەردٸڭ جوعارى دايىندىعىن راستادى.
قازاقستاندىق Fizmat Robotics كومانداسى FIRST ەلەمدٸك كەزەڭٸندە ەرەكشە نەتيجە كٶرسەتٸپ, Franklin ديۆيزيونىندا بەدەلدٸ Reach Award (1 ورىن) جٷلدەسٸن جەڭٸپ الدى.
Reach Award STEM قاۋىمداستىعىن دامىتۋعا جەنە ينجەنەرلٸك بٸلٸمدٸ ناسيحاتتاۋعا ەڭ ٷلكەن ٷلەس قوسقان كوماندالارعا بەرٸلەدٸ. FIRST اياسىندا بۇل ماراپات تەك تەحنيكالىق جەتٸستٸكتەردٸ عانا ەمەس, سونىمەن قاتار قوعامعا قوسقان ٷلەستٸ دە باعالايدى.
Fizmat Robotics كومانداسى اۋقىمدى جۇمىسىن كٶرسەتتٸ: جٷيەلٸ اعارتۋشىلىق قىزمەتتٸڭ ارقاسىندا ولار 4 ميلليوننان استام ادامدى قامتىپ, ينجەنەرلٸك قوزعالىستىڭ جاڭا بۋىنىن قالىپتاستىرۋعا ىقپال ەتتٸ. قاتىسۋشىلار روبوتوتەحنيكانى كەڭ اۋديتوريياعا قولجەتٸمدٸ ەرٸ قىزىقتى ەتۋ ٷشٸن QR-كودتاردى قولدانۋدان باستاپ مۋلتيمەدييالىق كەيٸپكەرلەردٸ ەزٸرلەۋگە دەيٸن كرەاتيۆتٸ تەسٸلدەردٸ پايدالاندى.
ارنايى نازار بٸلٸم بەرۋ ۇيىمدارىمەن سەرٸكتەستٸكتٸ دامىتۋعا اۋدارىلدى: جىل بويى مەكتەپ وقۋشىلارى مەن مەكتەپكە دەيٸنگٸ بالالار ٷشٸن جٷيەلٸ كەزدەسۋلەر, تانىستىرىلىمدار مەن قىزىقتى ٸس-شارالار ٶتكٸزٸلدٸ, بۇل STEM باعىتتارىنا تۇراقتى قىزىعۋشىلىق قالىپتاستىردى.
نەگٸزگٸ باعىتتاردىڭ بٸرٸ — فاندرايزينگكە ارنالعان تسيفرلىق پلاتفورما ەزٸرلەۋ بولدى, بۇل رەسۋرستاردى حالىقارالىق دەڭگەيگە شىعارۋعا جەنە جاڭا قاتىسۋشىلار ٷشٸن مٷمكٸندٸكتەردٸ كەڭەيتۋگە مٷمكٸندٸك بەردٸ.
سۋديالار Fizmat Robotics كومانداسىنىڭ ستراتەگييالىق كٶزقاراس پەن كٶشباسشىلىقتى كٶرسەتٸپ, جەرگٸلٸكتٸ باستامالاردى جاھاندىق اۋقىمى بار تۇراقتى ەكوجٷيەگە اينالدىرعانىن اتاپ ٶتتٸ.
ەكٸ استانالىق كوماندانىڭ جەتٸستٸگٸ نەگٸزٸنەن رفمم-نٸڭ مىقتى اكادەمييالىق ورتاسىنا سٷيەنەدٸ. بۇل مەكتەپتە دەستٷرلٸ تٷردە وليمپيادالىق قوزعالىس جوعارى دامىعان. كٶپ جىلدار بويى مەكتەپ ماتەماتيكا, فيزيكا جەنە ينفورماتيكا بويىنشا حالىقارالىق وليمپيادالاردىڭ جەڭٸمپازدارى مەن جٷلدەگەرلەرٸن دايىنداپ كەلەدٸ. بۇل بٸلٸم بەرۋ ٸرگەتاسى ينجەنەرييا مەن روبوتوتەحنيكاداعى جەتٸستٸكتەردٸڭ نەگٸزٸن قۇرايتىن تەرەڭ بٸلٸم, سىني ويلاۋ جەنە زەرتتەۋشٸلٸك مەدەنيەتتٸ قالىپتاستىرادى.
