قازاقستاندىق بلوگەر داستان مۇحامەدراحىم ۇلتتىق مادەنيەتتى حالىقارالىق دەڭگەيدە تانىتۋ ماقساتىندا الەمگە ايگىلى اكتەر ۋيلل سميتكە قازاقى ءداستۇر بويىنشا شاپان جاپتى، دەپ حابارلايدى Dalanews.kz
ەرەكشە تاريحي ءساتتى بلوگەر ءوزىنىڭ پاراقشاسىنا جاريالادى. داستان مۇحامەدراحىمنىڭ ايتۋىنشا، بۇل قادام قازاق حالقىنىڭ قوناقجايلىعى مەن قۇرمەتكە نەگىزدەلگەن ءسالت-داستۇرىن الەم جۇرتشىلىعىنا كورسەتۋ ءۇشىن جاسالعان. بلوگەر شاپاننىڭ قازاق مادەنيەتىندەگى ايرىقشا ماڭىزىن اتاپ ءوتىپ، ونىڭ قۇرمەت پەن ىزەتتىڭ سيمۆولى ەكەنىن جەتكىزدى.
ەرەكشە ءسات بەينەجازباعا ءتۇسىرىلىپ، الەۋمەتتىك جەلىلەردە كەڭىنەن تارادى. جەلى قولدانۋشىلارى بلوگەردىڭ باستاماسىن جوعارى باعالاپ، ۇلتتىق قۇندىلىقتاردى زاماناۋي فورماتتا ناسيحاتتاۋدىڭ ءساتتى ۇلگىسى رەتىندە پىكىر ءبىلدىردى.
ايتا كەتەيىك، بلوگەر داستان مۇحامەدراحىم دايىنداعان قازاق جەرىنىڭ اسەم كورىنىسىن بەينەلەيتىن روليكتى Instagram جەلىسىنىڭ رەسمي پاراقشاسى جاريالاعان. بۇل ارەكەت بلوگەردىڭ تانىمالدىعىن ارتتىرىپ، ميلليونداعان جازىلۋشى داستانعا تىركەلگەن.
