استانادا «ەدٸلەت» پارتيياسىنىڭ قۇرىلتاي سەزٸ باستالدى, دەپ حابارلايدى dalanews.kz.
استانادا جاڭا ساياسي ۇيىم – ەدٸلەت پارتيياسىنىڭ قۇرىلتاي سەزٸ ٶز جۇمىسىن باستادى. جيىنعا قازاقستاننىڭ بارلىق ٶڭٸرٸنەن كەلگەن مىڭعا جۋىق دەلەگات قاتىسىپ جاتىر.
سەزد اياسىندا پارتييانىڭ جارعىسى مەن باعدارلاماسىن بەكٸتۋ, سونداي-اق جەتەكشٸ ورگاندارىن ايقىنداۋ جوسپارلانعان. وسىلايشا, پارتييا قازاقستان زاڭناماسىنا سەيكەس رەسمي قىزمەتٸن باستاۋعا قاجەتتٸ نەگٸزگٸ رەسٸمدەردٸ ٶتكٸزۋدە.
ەدٸلەت ٶزٸن جاڭا كونستيتۋتسييالىق قۇندىلىقتارعا نەگٸزدەلگەن ساياسي ۇيىم رەتٸندە تانىستىردى. پارتييانىڭ نەگٸزگٸ ۇستانىمدارى رەتٸندە ەدٸلدٸك, وتانشىلدىق, جاۋاپكەرشٸلٸك, ەڭبەكقورلىق جەنە دامۋ اتالدى.
پارتييا باعدارلاماسىندا «زاڭ مەن تەرتٸپ» قاعيداتى ەدٸلەتتٸ قوعامنىڭ باستى نەگٸزٸ ەكەنٸ ايتىلعان. سونداي-اق ۇيىم قازاقستاندا كەز كەلگەن ادال ەڭبەك ەدٸل ەرٸ لايىقتى باعالانۋى تيٸس دەپ ەسەپتەيدٸ.
باعدارلامادا دەنساۋلىق ساقتاۋ, بٸلٸم, عىلىم, مەدەنيەت جەنە كرەاتيۆتٸ يندۋسترييالاردى دامىتۋعا ەرەكشە نازار اۋدارىلعان. پارتييا مەديتسينا سالاسىندا ەسەپ ٷشٸن ەمەس, ادام دەنساۋلىعىنا باعىتتالعان مودەل قالىپتاستىرۋ قاجەت ەكەنٸن مەلٸمدەدٸ.
سونىمەن قاتار, ەدٸلەت ٶڭٸرلەردٸڭ تەڭگەرٸمدٸ دامۋىن قولداپ, ەر ايماققا ورتالىق تاراپىنان ەدٸل كٶڭٸل بٶلٸنۋٸ كەرەك دەگەن ۇستانىمدى العا تارتۋدا.
حالىقارالىق ساياساتتا پارتييا قازاقستاندى جاھاندىق قايشىلىقتاردى تەڭ ۇستاي الاتىن جاۋاپتى ورتا دەرجاۆا رەتٸندە نىعايتۋدى كٶزدەيدٸ.
پارتييا ساياسي جاۋاپكەرشٸلٸكتٸڭ جاڭا ستاندارتىن ەنگٸزۋدٸ ۇسىنىپ وتىر. اتاپ ايتقاندا, ەربٸر پارتييا سايلاۋشىلار الدىندا باعدارلاماسىنداعى ەر تارماق پەن ۋەدە بويىنشا تۇراقتى تٷردە جارييا ەسەپ بەرٸپ وتىرۋى تيٸس دەپ سانايدى.
سونداي-اق پارتييا مٷشەلٸگٸنە ٶتٸنٸم بەرۋ مەن قوعامدىق باستامالاردى ۇسىنۋعا ارنالعان تسيفرلىق پلاتفورماسىن ٸسكە قوسقانى حابارلاندى.
ەسكە سالساق, 15 سەۋٸردە باستاماشىل توپ جاڭا پارتييا قۇرۋ تۋرالى مەلٸمدەگەن بولاتىن. ال 16 سەۋٸردە قازاقستان رەسپۋبليكاسى ەدٸلەت مينيسترلٸگٸ تيٸستٸ حابارلامانى قابىلداعانىن راستاعان.
پارتييا ٶكٸلدەرٸنٸڭ مەلٸمەتٸنشە, قازٸرگٸ تاڭدا ۇيىم قۇرامىندا 9812 مٷشە بار. وسىلايشا, زاڭدا كٶرسەتٸلگەن كەمٸندە 5000 مٷشەدەن تۇراتىن تالاپ ورىندالعان.
