Almaty qalalyq politsiia departamentiniń resmi ókili, politsiia polkovnigi Saltanat Ázirbek tyǵyz jumys kestesine qaramastan qalai salmaq tastaǵanyn aityp berdi. Tórt balanyń anasy BES.media basylymyna bergen suhbatynda ózin formada ustaýǵa kómektesken negizgi qaǵidalaryn bólisti, dep habarlaidy dalanews.kz.
Saltanat Ázirbektiń aitýynsha, áiel politseilerge qatysty qoǵamda syrtqy kelbet, tártip jáne talap týraly jii aitylady. Alaida onyń ózi úshin basty ustanym – ishki tártip pen úilesim. Ol fizikalyq formany tek syrtqy symbat emes, adamnyń tózimi, erik-jigeri jáne ózine degen jaýapkershiligi dep túsinedi.
Politsiia polkovnigi sońǵy jyldary 54 kelige aryqtaǵanyn aitty. Onyń sózinshe, bul nátijege qatań dieta arqyly emes, kúndelikti qalyptasqan durys ádetterdiń arqasynda jetken. Eń basty ádeti – turaqty kardio jattyǵý.
Saltanat Ázirbek tańǵy 3-te oianyp, saǵat 4-ten bastap jaiaý júriske shyǵady. Eki saǵatqa sozylatyn serýen kezinde ol 12-13 myń qadam jasaidy. Al tańǵy 7-de jumys ornynda bolady.
"Basqasha múmkin emes. Bul – ózińmen jasalǵan kelisim", – deidi ol.
Tamaqtaný máselesinde de polkovnik naqty tártip ustanady. Ol ýaqytyly, az mólsherde ári aqýyzǵa bai taǵam jeýge mán beredi. Un ónimderi men táttiden tolyq bas tartqanyn aitady. Onyń pikirinshe, artyq salmaqtyń sebebi kóbine taǵamnyń kóptiginde emes, qalyptasqan qate ádetterde.
Saltanat Ázirbek úshin tártip – tek qyzmettegi talap emes, ómir salty. Ol tipti 1 qańtar kúni de tańǵy serýenin toqtatpaǵanyn jetkizdi. Ózine talap qoiý, denesin tyńdaý jáne jaýapkershilikti seziný – onyń basty motivatsiiasy.
"Áiel bir qolymen besikti, bir qolymen álemdi terbetedi. Biz buǵan qabilettimiz", – deidi Saltanat Ázirbek.
