الماتى قالالىق پوليتسييا دەپارتامەنتٸنٸڭ رەسمي ٶكٸلٸ, پوليتسييا پولكوۆنيگٸ سالتانات ەزٸربەك تىعىز جۇمىس كەستەسٸنە قاراماستان قالاي سالماق تاستاعانىن ايتىپ بەردٸ. تٶرت بالانىڭ اناسى BES.media باسىلىمىنا بەرگەن سۇحباتىندا ٶزٸن فورمادا ۇستاۋعا كٶمەكتەسكەن نەگٸزگٸ قاعيدالارىن بٶلٸستٸ, دەپ حابارلايدى dalanews.kz.
سالتانات ەزٸربەكتٸڭ ايتۋىنشا, ەيەل پوليتسەيلەرگە قاتىستى قوعامدا سىرتقى كەلبەت, تەرتٸپ جەنە تالاپ تۋرالى جيٸ ايتىلادى. الايدا ونىڭ ٶزٸ ٷشٸن باستى ۇستانىم – ٸشكٸ تەرتٸپ پەن ٷيلەسٸم. ول فيزيكالىق فورمانى تەك سىرتقى سىمبات ەمەس, ادامنىڭ تٶزٸمٸ, ەرٸك-جٸگەرٸ جەنە ٶزٸنە دەگەن جاۋاپكەرشٸلٸگٸ دەپ تٷسٸنەدٸ.
پوليتسييا پولكوۆنيگٸ سوڭعى جىلدارى 54 كەلٸگە ارىقتاعانىن ايتتى. ونىڭ سٶزٸنشە, بۇل نەتيجەگە قاتاڭ ديەتا ارقىلى ەمەس, كٷندەلٸكتٸ قالىپتاسقان دۇرىس ەدەتتەردٸڭ ارقاسىندا جەتكەن. ەڭ باستى ەدەتٸ – تۇراقتى كارديو جاتتىعۋ.
سالتانات ەزٸربەك تاڭعى 3-تە ويانىپ, ساعات 4-تەن باستاپ جاياۋ جٷرٸسكە شىعادى. ەكٸ ساعاتقا سوزىلاتىن سەرۋەن كەزٸندە ول 12-13 مىڭ قادام جاسايدى. ال تاڭعى 7-دە جۇمىس ورنىندا بولادى.
"باسقاشا مٷمكٸن ەمەس. بۇل – ٶزٸڭمەن جاسالعان كەلٸسٸم", – دەيدٸ ول.
تاماقتانۋ مەسەلەسٸندە دە پولكوۆنيك ناقتى تەرتٸپ ۇستانادى. ول ۋاقىتىلى, از مٶلشەردە ەرٸ اقۋىزعا باي تاعام جەۋگە مەن بەرەدٸ. ۇن ٶنٸمدەرٸ مەن تەتتٸدەن تولىق باس تارتقانىن ايتادى. ونىڭ پٸكٸرٸنشە, ارتىق سالماقتىڭ سەبەبٸ كٶبٸنە تاعامنىڭ كٶپتٸگٸندە ەمەس, قالىپتاسقان قاتە ەدەتتەردە.
سالتانات ەزٸربەك ٷشٸن تەرتٸپ – تەك قىزمەتتەگٸ تالاپ ەمەس, ٶمٸر سالتى. ول تٸپتٸ 1 قاڭتار كٷنٸ دە تاڭعى سەرۋەنٸن توقتاتپاعانىن جەتكٸزدٸ. ٶزٸنە تالاپ قويۋ, دەنەسٸن تىڭداۋ جەنە جاۋاپكەرشٸلٸكتٸ سەزٸنۋ – ونىڭ باستى موتيۆاتسيياسى.
"ەيەل بٸر قولىمەن بەسٸكتٸ, بٸر قولىمەن ەلەمدٸ تەربەتەدٸ. بٸز بۇعان قابٸلەتتٸمٸز", – دەيدٸ سالتانات ەزٸربەك.
