Qazaqstan azamattary jalpy salmaǵy 8,6 tonna bolatyn 246 882 altyn quımany satyp alǵan, dep habarlaıdy Dalanews.kz Ulttyq bank deregine súıenip.
Eń tanymal quıma – 10 gramdyq
Halyq arasynda eń kóp suranysqa ıe – 10 gramdyq quıma. Onyń úlesi jalpy satylymnyń 26%-yn quraıdy (63 740 dana).
Odan keıingi oryndarda:
5 gramdyq quımalar – 53 978 dana (22%),
100 gramdyq – 50 779 dana (21%),
20 gramdyq – 44 707 dana (18%),
50 gramdyq – 33 678 dana (13%).
Úshinshi toqsandaǵy satylym
2025 jyldyń úshinshi toqsanynda bankter men banktik emes aıyrbastaý pýnktteri jalpy salmaǵy 409 kg bolatyn 9 110 ólshengen altyn quımasyn satqan.
Satylymnyń eń úlken úlesi:
Almaty qalasyna – 5 874 dana (71%),
Astanaǵa – 600 dana (7%),
Qaraǵandy oblysyna – 460 dana (6%) tıesili.
Quımalardy qaıdan alýǵa bolady?
Ulttyq banktyń málimetinshe, altyn quımalardy satyp alý jáne satý operasıalary ekinshi deńgeıli bankter men keıbir banktik emes aıyrbastaý pýnktteri arqyly júzege asyrylady.
