Qazaqstannyń memlekettik qaryzy 2026 jylǵy 1 shildedegi jaǵdai boiynsha 38,5 trln teńgege jetti. Bul týraly Ulttyq ekonomika ministri Serik Jumanǵarin málimdedi, dep habarlaidy dalanews.kz.
Ministrdiń sózinshe, atalǵan kórsetkish eldiń jalpy ishki óniminiń (JIÓ) 20,9%-yn quraidy. Al Úkimet qaryzynyń kólemi JIÓ-niń shamamen 20%-yna teń. Serik Jumanǵarinniń aitýynsha, Qazaqstan memlekettik borysh deńgeii tómen memleketterdiń qataryna kiredi. Sonymen qatar qaryzdyń basym bóligi ishki naryqtan tartylǵan.
«Memlekettik qaryzdyń shamamen 75%-y ishki qaryzǵa tiesili. Qansha kólemde, qandai shartpen jáne kimnen qaryz alyp jatqanymyz turaqty baqylaýda», – dedi ministr.
Ol álemniń birqatar elderinde memlekettik qaryz deńgeii áldeqaida joǵary ekenin atap ótti.
«Keibir memleketterde memlekettik qaryz kólemi jalpy ishki ónimniń 100%-ynan, tipti 200%-ynan da asyp ketken», – dedi Serik Jumanǵarin.
