قازاقستاننىڭ مەملەكەتتٸك قارىزى 2026 جىلعى 1 شٸلدەدەگٸ جاعداي بويىنشا 38,5 ترلن تەڭگەگە جەتتٸ. بۇل تۋرالى ۇلتتىق ەكونوميكا مينيسترٸ سەرٸك جۇمانعارين مەلٸمدەدٸ, دەپ حابارلايدى dalanews.kz.
مينيستردٸڭ سٶزٸنشە, اتالعان كٶرسەتكٸش ەلدٸڭ جالپى ٸشكٸ ٶنٸمٸنٸڭ (جٸٶ) 20,9%-ىن قۇرايدى. ال ٷكٸمەت قارىزىنىڭ كٶلەمٸ جٸٶ-نٸڭ شامامەن 20%-ىنا تەڭ. سەرٸك جۇمانعاريننٸڭ ايتۋىنشا, قازاقستان مەملەكەتتٸك بورىش دەڭگەيٸ تٶمەن مەملەكەتتەردٸڭ قاتارىنا كٸرەدٸ. سونىمەن قاتار قارىزدىڭ باسىم بٶلٸگٸ ٸشكٸ نارىقتان تارتىلعان.
«مەملەكەتتٸك قارىزدىڭ شامامەن 75%-ى ٸشكٸ قارىزعا تيەسٸلٸ. قانشا كٶلەمدە, قانداي شارتپەن جەنە كٸمنەن قارىز الىپ جاتقانىمىز تۇراقتى باقىلاۋدا», – دەدٸ مينيستر.
ول ەلەمنٸڭ بٸرقاتار ەلدەرٸندە مەملەكەتتٸك قارىز دەڭگەيٸ ەلدەقايدا جوعارى ەكەنٸن اتاپ ٶتتٸ.
«كەيبٸر مەملەكەتتەردە مەملەكەتتٸك قارىز كٶلەمٸ جالپى ٸشكٸ ٶنٸمنٸڭ 100%-ىنان, تٸپتٸ 200%-ىنان دا اسىپ كەتكەن», – دەدٸ سەرٸك جۇمانعارين.
