Aziia damý banki (ADB) Qazaqstannyń memlekettik qaryzynyń ósýin tsifrlyq transformatsiiaǵa jumsalatyn memlekettik shyǵyndardyń artýymen bailanystyrdy, dep habarlaidy dalanews.kz.
Bank jariialaǵan Asian Development Outlook baiandamasynyń qyrkúiek aiyndaǵy shyǵarylymynda Aziia-Tynyq muhity óńirindegi damýshy elderdiń jiyntyq memlekettik qaryzy 2025 jylǵy shamamen 26 trln dollardan 2026 jyly 29 trln dollarǵa deiin ósetini aitylǵan.
ADB málimetinshe, bul ósimge eleýli úles qosatyn elderdiń qatarynda Qytai, Túrkiia jáne Qazaqstan bar.
Qytaida memlekettik qaryzdyń artýy negizinen jergilikti bilik organdarynyń qaryz alýynyń kóbeiýimen bailanysty. Túrkiiada ósim jer silkinisinen keiingi qalpyna keltirý jumystaryn qarjylandyrýǵa jumsalyp jatqan qarajatpen túsindiriledi.
Al Qazaqstan boiynsha ADB memlekettik shyǵyndardyń tsifrlyq transformatsiia baǵytynda ulǵaiǵanyn atap ótken.
Sonymen qatar bank Qazaqstan ekonomikasyna qatysty boljamyn ózgerissiz qaldyrdy. ADB baǵalaýynsha, eldiń jalpy ishki ónimi 2026 jyly 4,8%-ǵa, al 2027 jyly 4,5%-ǵa ósedi.
Infliatsiia deńgeii 2026 jyly 10,4%, 2027 jyly 9,5% bolady dep kútilip otyr.
