Eńbek jáne halyqty áleýmettik qorǵaý birinshi vıse-mınıstri Asqarbek Ertaev eldegi qazirgi kóshi-qon ahýaly týraly aıtty, dep habarlaıdy Dalanews.kz.
Elge kelýshilerdiń negizgi bóligi TMD elderi men Qytaı Halyq Respýblıkasynan.
Vıse-mınıstrdiń aıtýynsha, 2023 jyldan beri shetelge jumys isteý maqsatynda shyǵatyn qazaqstandyqtardyń sany azaıyp keledi.
"Bıylǵy toǵyz aıdyń qorytyndysy boıynsha jumys isteý maqsatynda shetelde 156,7 myń otandasymyz júr. Qazaqstandyqtardyń basym bóligi Reseı Federasıasynda, onda 128,8 myń adam bar, Koreıa Respýblıkasynda 15,2 myń adam júr, Polshada 2,6 myń adam, al Ulybrıtanıada 1,4 myń adam eńbek etedi", - dedi sheneýnik.
