SHQO turǵyndary senbilikke bastama kóterip, únemi belsendilik tanytýda. Osylaısha, 12 shildede Glýbokoe aýdanynda «Taza bulaq – Taza aýmaq» uranymen «Taza Qazaqstan» aksıasy ótti.
Aksıaǵa qatysýshylar Glýbokoe kentinde Kırgorodok shaǵyn aýdanynda ornalasqan jaǵajaı aýmaǵy abattandyryldy.
Búgingi tańda oryndyqtar, ýrnalar, barbekú alańdary, konteınerlik alańdar, kıim aýystyratyn bólmeler, dárethanalar ornatylǵan. Sondaı-aq sýda júzý sıgnaldary bar. Beınebaqylaý kameralary, eskertý júıesi ornatylǵan– dedi ekologıalyq aksıaǵa qatysýshy Qaıyrbekova Elızaveta.
Balalarǵa arnalǵan oıyn alańdary jáne belsendi ómir saltyn súıetinder úshin fýtbol, voleıbol, tenıs alańdary salyndy.
Ekologıalyq aksıalar jalǵasýda. Búgin aksıa aıasynda biz ózender men jol jıekterin qoqystardan tazarttyq. Bul is-shara óziniń jalǵasyn tabatyn bolady. «Taza Qazaqstan» aksıasy qorshaǵan ortanyń tazalyǵyn saqtaýǵa yqpal etip qana qoımaı, óskeleń urpaqtyń týǵan ólkesiniń tabıǵatyna uqypty qaraýǵa degen umtylysyn tárbıeleıtin mańyzdy is– shara dep sanaımyn – dep bólisti Glýbokoe aýylynyń turǵyny Roza Sovethanqyzy.
Aıta ketý kerek, oblysta «Taza Qazaqstan» ekologıalyq aksıasynyń joǵary tıimdiligi úshin «Eko saqshy» jobasy bastaldy.
Birinshi eko-týr Samar aýdanynda ótti, onda Samar aýdanynyń aýyldyq okrýgterinen taǵaıyndalǵan ekopatrýlderdi oqytý boıynsha semınar uıymdastyryldy. Sońynda aýdannyń eko saqshylary jáne «Jasyl el» jastar eńbek jasaqtarynyń belsendileri, volonterler qatysýymen Buqtyrma sý qoımasynyń jaǵasynda senbilik ótkizildi.
Jyl basynan Shyǵys Qazaqstan oblysynda 204 saıabaq pen skver, 323 tarıhı-mádenı eskertkish jáne 859 áleýmettik nysan retke keltirildi. 6,8 myń sý nysany, 26 sýburqaq, 348 km aryq tazartyldy. Eldi mekenderde 29 myń tonna qoqys shyǵaryldy.
Qazir óńirde 42 kóppáterli turǵyn úıdiń qasbetterin jóndeý jáne mýraldardy jaǵý jumystary júrgizilýde. İs-sharalar eldi mekenderdiń biryńǵaı sáýlettik kelbetin berýge baǵyttalǵan.
