Almatyda "Almaty jastary" baǵdarlamasyna ótinish qabyldaý 1 maýsymda bastalady, dep habarlaidy dalanews.kz.
"Almaty jastary" baǵdarlamasy boiynsha ótinish qabyldaý biyl 1-15 maýsym aralyǵynda ótedi. Ótinishi kezekte.kz portalyndaǵy "Turǵyn úi servisteri" bóliminde ornalasqan "Almaty Jastary" servisi arqyly 1 maýsym saǵat 09:00-den bastap 15 maýsym saǵat 18:00-ge deiin joldaýǵa bolady. Júiege kirý úshin elektron tsifrlyq qoltańba (ETsQ) qajet.
Baǵdarlama aiasynda qatysýshylarǵa mynadai sharttar usynylady:
- nesie kólemi 20 million teńgege deiin;
- jyldyq mólsherleme — 5%;
- bastapqy jarna — 10%;
- bastapqy jáne qaitalama naryqtan baspana satyp alýǵa múmkindik beriledi.
Jobaǵa Almaty qalasynda turatyn 35 jasqa deiingi jastar qatysa alady.
Qatysýshylarǵa qoiylatyn negizgi talaptar:
- Almaty qalasynda keminde bir jyl turaqty tirkeýde bolý;
- keiingi bes jylda úmitkerdiń jáne onyń otbasy músheleriniń atynda turǵyn úi bolmaýy;
- Almatyda keminde alty ai resmi jumys ótili men mindetti zeinetaqy aýdarymdary bolýy.
Baǵdarlama densaýlyq saqtaý, bilim berý, mádeniet, sport salalarynyń qyzmetkerlerine, JOO men ǵylymi-zertteý institýttarynyń mamandaryna, jýrnalisterge, áleýmettik sala ókilderine, quqyq qorǵaý organdary men kommýnaldyq qyzmet qyzmetkerlerine, sondai-aq, "Jumys isteitin jastar" baǵdarlamasynyń jalǵa alýshylaryna arnalǵan.
