2026 jylǵy 5 mamyrda «Rosatom» memlekettik korporatsiiasynyń «Bilim muzjarǵyshy» VII halyqaralyq ǵylymi-aǵartýshylyq jobasy aiasynda sheteldik qatysýshylarǵa arnalǵan konkýrstyq irikteý bastaldy, dep habarlaidy dalanews.kz.
Halyqaralyq kezeńge 14 pen 16 jas aralyǵyndaǵy 22 eldiń mektep oqýshylary shaqyryldy: Armeniia, Bangladesh, Belarýs, Boliviia, Braziliia, Vengriia, Vetnam, Egipet, Úndistan, Indoneziia, Qazaqstan, Qytai, Qyrǵyzstan, Mońǵoliia, Mianma, Namibiia, Rýanda, Serbiia, Tanzaniia, Túrkiia, Ózbekstan, OAR. Ár elden jeńimpaz atanǵan qatysýshylar 2026 jylǵy tamyz aiynda ótetin «50 jyl Jeńis» atomdyq muzjarǵysh kemesiniń bortyndaǵy Soltústik poliýske arktikalyq ekspeditsiiaǵa qatysady. Ekspeditsiiaǵa qatysýshylardyń keibiri óz elderiniń tarihynda alǵash ret Soltústik poliýske jetken ókilder bolady.
Sheteldik qatysýshylardy konkýrstyq irikteý úsh kezeńde ótedi. Birinshi kezeńde goarctic.energy saitynda tirkeýden ótken qatysýshylar ǵylymi viktorinadan ótedi. Ekinshi kezeńde olardy «Rosatomnyń» perspektivalyq sheshimderi taqyrybyndaǵy vebinarlar seriiasy kútedi. Onyń ishinde Arktikadaǵy keme qatynasynyń qaýipsiz damýyna qoldanylatyn tehnologiialar da qamtylady. Beinematerialdardy kórgennen keiin ár qatysýshy alǵan bilimin tekserip, ótilgen material boiynsha tapsyrmalardy oryndaýy tiis. Alǵashqy eki kezeńniń qorytyndysy boiynsha eń joǵary upai jinaǵan ár eldiń úzdik 10 finalisi finaldyq tapsyrma taqyryby boiynsha óz ideialaryn beinetanystyrylym formatynda usynady.
«Bilim muzjarǵyshy» jobasy halyqaralyq formatta úshinshi ret ótkizilgeli otyr. Álemniń 23 elinen kelgen balalar atomdyq muzjarǵysh kememen Soltústik poliýske qyzyqty ári tanymdyq saiahat jasaidy. 10 kún boiy atomdyq muzjarǵysh bortynda mektep oqýshylary úzdik spikerlermen, ǵylymdy nasihattaýshylarmen jáne blogerlermen birge Arktikany zertteidi. Bul ekspeditsiia qatysýshylarǵa álemniń shyńyn baǵyndyryp qana qoimai, oi-órisin keńeitýge, jańa dostar tabýǵa, rekordtar ornatýǵa jáne tipti aq aiýdy kezdestirýge múmkindik beredi», – dedi «Rosatom Halyqaralyq jelisi» jeke mekemesi bas direktorynyń kommýnikatsiialar jónindegi orynbasary Aleksandra Iýstýs.
«Bilim muzjarǵyshy» ǵylymi-aǵartýshylyq jobasy «Rosatom» memlekettik korporatsiiasynyń qoldaýymen uiymdastyrylǵan. Joba jaratylystaný-ǵylymi pánder men atom salasy tehnologiialaryn dáripteýge, talantty ári daryndy balalardy izdep tabýǵa jáne qoldaýǵa, olardyń qabiletterin damytýǵa jáne kásibi baǵdar berýge baǵyttalǵan. Jobaǵa álemniń túkpir-túkpirinen 14–16 jas aralyǵyndaǵy mektep oqýshylary men orta arnaýly bilim berý baǵdarlamalarynyń stýdentteri qatysady. Úzdik qatysýshylar «50 jyl Jeńis» atomdyq muzjarǵysh kemesiniń bortynda Soltústik poliýske uiymdastyrylatyn ǵylymi-aǵartýshylyq ekspeditsiiaǵa joldama alady. Aldyńǵy alty maýsymda arktikalyq ekspeditsiialarǵa ártúrli elderden 400-den astam mektep oqýshysy men stýdent qatysty.
Resei-álemdegi atomdyq muzjarǵysh floty bar jalǵyz el. Flot operatory – «Atomflot» FMÝK («Rosatom» memlekettik korporatsiiasynyń kásiporny). Búgingi tańda «Atomflot» FMÝK muzjarǵysh flotynyń quramynda segiz atomdyq muzjarǵysh bar.
«Rosatom» jáne onyń kásiporyndary bilim berý, ǵylymi-aǵartý jáne mádeni bastamalardy qoldaý men damytýǵa erekshe nazar aýdarady. Olar sondai-aq reseilik joǵary oqý oryndarynda bazalyq kafedralardy qurýǵa, stipendiialyq qoldaý baǵdarlamalaryn, iri bilim berý jobalaryn iske asyrýǵa, stýdentter úshin tájiribe men taǵylymdamany uiymdastyrýǵa, sodan keiin olardy jumysqa ornalastyrýǵa qatysady.
