Qazaqstanda nesie tólei almai júrgen azamattarǵa bankrottyq rásimine qoljetimdilikti keńeitý usynyldy. Bul týraly Senatta Qarjy naryǵyn retteý jáne damytý agenttigi tóraǵasynyń orynbasary Oljas Qizatov málimdedi, dep habarlaidy dalanews.kz.
Onyń aitýynsha, tólem qabiletsizdiginiń belgileri bar kóptegen qazaqstandyqtar sottan tys bankrottyq mehanizmi týraly bilmeidi jáne qaryz máselesin sheshý úshin ony qoldanbaidy.
2026–2028 jyldarǵa arnalǵan halyqtyń ál-aýqatyn arttyrý baǵdarlamasy aiasynda proaktivti tetik engizý usynylyp otyr. Jańa júiege sáikes, bes jyldan astam ýaqyt boiy nesiesin ótemegen jáne bailanys nómiri ózekti azamattarǵa SMS-habarlama jiberiledi.
Habarlamada bereshektiń bar ekeni jáne sottan tys bankrottyq rásimin paidalaný múmkindigi týraly aqparat kórsetiledi. Eger azamat kelisim berse, ýákiletti memlekettik organ rásimdi bastaidy.
Memlekettik kredittik biýro derekterine sáikes, qazirgi tańda bul talaptarǵa 300 myńnan astam qaryz alýshy sáikes keledi.
