Oral qalasynda 32 jastaǵy er adamǵa úkim shyqty. Ol biyl mamyr aiynyń sońynda Terekti aýdanynyń Chagan aýylynda burynǵy jubaiyn aiaýsyz óltirgen, dep habarlaidy Dalanews.kz.
Aiyptalýshy burynǵy áieliniń úiine baryp, ony týǵan inisimen birge otyrǵan jerinen kórgen. Osy sátte arada janjal týyp, er adam qolyna pyshaq alyp, ekeýine birdei shabýyl jasaǵan. Áiel alǵan 19 pyshaq jaraqatynan sol jerde kóz jumǵan, al onyń inisi tiri qalyp, oqiǵa ornynan qashyp úlgergen.
Alqabiler qatysqan sot er adamdy «airyqsha qatygezdikpen jasalǵan adam óltirý» jáne «kisi óltirýge oqtalý» baptary boiynsha kináli dep tanydy. Sot úkimimen ol ortasha qaýipsizdik koloniiasynda 16 jyl jazasyn óteidi. Sondai-aq sot sheshimi boiynsha aiyptalýshy marqumnyń otbasyna 10 million teńge ótemaqy tóleýge mindetteldi.
Qaitys bolǵan áieldiń artynda úsh balasy qaldy. Qazir olar naǵashy ájesi men atasynyń qamqorlyǵynda.
