ورال قالاسىندا 32 جاستاعى ەر ادامعا ٷكٸم شىقتى. ول بيىل مامىر ايىنىڭ سوڭىندا تەرەكتٸ اۋدانىنىڭ چاگان اۋىلىندا بۇرىنعى جۇبايىن اياۋسىز ٶلتٸرگەن, دەپ حابارلايدى Dalanews.kz.
ايىپتالۋشى بۇرىنعى ەيەلٸنٸڭ ٷيٸنە بارىپ, ونى تۋعان ٸنٸسٸمەن بٸرگە وتىرعان جەرٸنەن كٶرگەن. وسى سەتتە ارادا جانجال تۋىپ, ەر ادام قولىنا پىشاق الىپ, ەكەۋٸنە بٸردەي شابۋىل جاساعان. ەيەل العان 19 پىشاق جاراقاتىنان سول جەردە كٶز جۇمعان, ال ونىڭ ٸنٸسٸ تٸرٸ قالىپ, وقيعا ورنىنان قاشىپ ٷلگەرگەن.
القابيلەر قاتىسقان سوت ەر ادامدى «ايرىقشا قاتىگەزدٸكپەن جاسالعان ادام ٶلتٸرۋ» جەنە «كٸسٸ ٶلتٸرۋگە وقتالۋ» باپتارى بويىنشا كٸنەلٸ دەپ تانىدى. سوت ٷكٸمٸمەن ول ورتاشا قاۋٸپسٸزدٸك كولونيياسىندا 16 جىل جازاسىن ٶتەيدٸ. سونداي-اق سوت شەشٸمٸ بويىنشا ايىپتالۋشى مارقۇمنىڭ وتباسىنا 10 ميلليون تەڭگە ٶتەماقى تٶلەۋگە مٸندەتتەلدٸ.
قايتىس بولعان ەيەلدٸڭ ارتىندا ٷش بالاسى قالدى. قازٸر ولار ناعاشى ەجەسٸ مەن اتاسىنىڭ قامقورلىعىندا.
