Mádeniet jáne aqparat ministrligi «Siýtsai» uiymynyń qyzmetin tekserip, ony psevdoǵylym dep atady dep habarlaidy Dalanews.kz.
Bul týraly Májilis depýtaty Aidos Sarymnyń suraýyna berilgen jaýapta, mádeniet jáne aqparat vitse-ministri Qanat Iskakovtyń qoly qoiylǵan hatta aitylǵan.
«Ministrlik óz quzyreti sheginde qoǵamdyq qaýipsizdik pen azamattardyń rýhani ál-aýqatyna qaýip tóndiretin destrýktivti jáne alaiaqtyq qurylymdardyń yqpalyn anyqtaý jáne boldyrmaý boiynsha keshendi ári júieli jumys júrgizip keledi», – delingen qujatta.
Bul jumysqa media keńistikti turaqty túrde monitoringteý, dintanýlyq saraptamalar júrgizý jáne halyqty aqparattandyrý kiredi.
«Siýtsai» uiymynyń qyzmetin Mádeniet jáne aqparat ministrligi 2023 jyldyń qyrkúiek aiynda tekserip, oǵan bailanysty internet-siltemelerge dintanýlyq saraptama júrgizgen.
Nátijesinde jariialanǵan materialdarda «din iliminiń qurylymy, negizderi, dini tájiribe, dini qyzmettiń túrleri men ádisteri joq ekeni anyqtaldy».
«Iaǵni,“Siýtsaidyń tsifrlyq psihologiiasy” óz máni jaǵynan astrologiiaǵa, nýmerologiiaǵa jáne ózin-ózi taný taqyrybyndaǵy sýbektivti túsindirmeler men joramaldarǵa negizdelgen, ǵylymi dáleli men dini mártebesi joq ózge de jalǵan ǵylymi baǵyttarǵa uqsas», – delingen ministrlik jaýabynda.
