Jetisýdyń Eskeldi aýdanynda birneshe jyldan beri kúrmeýi tarqatylmai kelgen máseleler sheshimin tabýda. Sonyń ishinde uzaq jyldarǵa sozylǵan park salý men abattandyrý, turǵyn úi, mádeniet úii, kanaldar men aýyz sý júiesiniń qurylystary oblys basshylyǵynyń jiti baqylaýynan keiin qarqyn alyp, oń sheshilgen, iaǵni birqatar jobalar aiaqtalǵan, keibir qurylys jumystary biyl bitýi tiis. Bul týraly Beibit Isabaevtyń Eskeldi aýdanynyń turǵyndarymen kezdesýinde belgili boldy, dep habarlaidy dalanews.kz.
Kezdesý jiynynda óńir basshysy aldymen oblys kóleminde atqarylyp jatqan sharalarǵa toqtalyp, aldaǵy maqsat-mindetter jóninde baiandady.
Máselen, aýyl sharýashylyǵy salasyndaǵy jalpy ónimniń kólemi 483,2 mlrd teńgeni qurady, onyń ishinde Eskeldi aýdanynyń úlesi 54 mlrd teńge nemese 11,2% boldy. Jalpy 2025-2027 jyldary oblystyń agroónerkásip kesheninde jalpy quny 94 mlrd. teńgege 23 investitsiialyq joba júzege asyrylýda. Gazdandyrý máselesine de toqtalǵan óńir basshysy búgingi kúni gazdandyrý deńgeii 67%-ǵa jetkenin atap ótti. Al 2028 jyly oblysta 210 eldi mekenge gaz tartylyp, gazǵa 652 myńnan astam turǵyn nemese jalpy halyqtyń 93,8%-y qol jetkize alatynyn aitty.
Sol siiaqty jol máselesine nazar aýdanǵan oblys ákimi:
- Syrymbet aýylynan ótetin jol boiynsha turǵyndar tarapynan shaǵymdar aitylýda. Bul máseleni men jaqsy bilemin. Osyǵan bailanysty orynbasarym Áset A. Qanaǵatov, jol basqarmasy jáne aýdan ákimimen birlesip aýyl ishimen ótetin joldyń 1,5 shaqyrym ýchaskesine shuǵyl joba ázirlep, ortasha jóndeý jumystaryn qyrkúiek aiyna deiin aiaqtaýy tiis. Sonymen qatar aýdan ákimdigi osy jolmen aýyr salmaqty júk kólikterin júrgizbeý úshin ainalma joldyń shemasy boiynsha usynys engizińizder, - dedi B. Isabaev.
Oblys ákimi sol siiaqty ónerkásip, áleýmettik sala, jalpy infraqurylymdy damytý sharalaryn da nazardan tys qaldyrǵan joq.
Munan soń aýdan ákimi Eldos Ahmetov aýdannyń áleýmettik-ekonomikalyq damý baǵytyndaǵy atqarylǵan sharalarǵa toqtaldy. Máselen, egin ótken jyldan 108,7 gektarǵa artyq sebiledi dep josparlanýda. Tolyq tsikldi ák óndirý zaýyty, Qora ózenindegi GES 2 jobasy, «Qarabulaq Jylý» qazandyǵynyń jylý energiiasyn óndirý kólemin arttyrý maqsatynda jylý elektr stantsiiasynyń qurylystary júrgizilip jatyr. Aýdan ákimi sol siiaqty gazdandyrý, jol infraqurylymyn damytý týraly da aityp ótti.
Eldos Ahmetov óz sózinde oblys basshylyǵy tarapynan aitylǵan syn boiynsha atqarylǵan sharalarǵa toqtaldy. Bul abattandyrý, qurylys jumystaryn aiaqtaý siiaqty máselelerge qatysty.
Beibit Isabaev aýdan ákiminiń aldyna birqatar mindetter qoidy. Sonyń ishinde eń aldymen jyldar boiy qordalanyp qalǵan máselelerdiń sheshimine erekshe nazar aýdardy.
- Ótken jylǵy kezdesýde aýdannyń damýyna qatysty syn-eskertpeler aitqan bolatynmyn. Sonyń biri – 2022 jyldan beri qurylysy sozylyp kele jatqan «Jeńis» saiabaǵynyń jaǵdaiyna bailanysty. Biz qajetti qarjy bóldik, nysan qoldanysqa berildi. Endi kók shóp egý, kútip ustaý jumystaryn shiratý kerek. Jastar aýylyndaǵy jyldar boiy qaraýsyz qalǵan 20 kóp páterli úidiń kúrdeli jóndeý jumysyna qajetti bólinip, jumystary bastaldy, osy jyldyń qarasha aiynda aiaqtalady. «Almaly» men «Báibishe» kanaldaryna oblystyq biýdjetten qarjy bólip, kúrdeli jóndeý jumystaryn júrgizilip jatyrmyz. Qurylys kelesi jyly bitedi. 2020 jyly bastalǵan Baqtybai aýylyndaǵy mádeniet úiiniń kúrdeli jóndeýi jalǵasýda. Endi aýdanda aiaqsyz qalǵan qurylys nysandary bolmaýy tiis. Qurylys jumystarynyń sapaly, ýaqytyly atqarylýyn jiti baqylaýǵa alyńyz, - dedi Beibit Isabaev aýdan ákimine qaratyp.
Sol siiaqty aýdanda qaita óńdeý óndirisin damytý, jeke investitsiia tartý jumystaryn shiratý qajettigin eskertti. Paidalanylmai jatqan jerlerdi qaitaryp, onyń ishinde jailaýdaǵy jerlerdi aýyl turǵyndaryna berýdi qolǵa alý, zamanaýi sý únemdeý tehnologiialaryn engizý arqyly aýyl sharýashylyǵy daqyldarynyń ónimdiligin arttyrý qajet. Sondai-aq «Aýyl amanaty» baǵdarlamasy aiasynda beriletin jeńildetilgen nesielerdi shaǵyn jáne orta biznes ókilderine bere otyryp, kooperativter ashý, týrizm salasyn damytý týraly tapsyrmalar berildi.
Budan ári oblys ákimi aýdan turǵyndarynyń suraqtaryna jaýap berdi.
Osy kúni Beibit Isabaev azamattardy jeke máseleleri boiynsha qabyldady. Qabyldaýda Baqtybai aýylynyń turǵyny Ábilhaiyr han kóshesin jóndeý máselesin kóterdi. Belgili bolǵandai, bul kósheni jóndeý biylǵy jyldyń josparyna kirgen, qurylys jumystary tamyz aiynda aiaqtalýy tiis. Qarabulaq turǵyny M. Ótemisuly kóshesine túngi jaryq shamdaryn ornatý týraly ótinishin jetkizdi. Aýdan ákiminiń aitýynsha, bul jańarǵan kóshede 16 úi bar. Atalǵan kóshe tamyz aiynyń aiaǵyna deiin jaryqtandyrylatyn bolady. Sol siiaqty memleket qorynan turǵyn úi alý, berilgen turǵyn úidi jekeshelendirý boiynsha da suraqtar boldy. Olarǵa turǵyn úi qatynastary týraly zań aiasynda máseleniń sheshimi túsindirildi.
