Almaty oblysynda jasóspirim júrgizgen kólik 12 jastaǵy balany qaǵyp ketken. Oqiǵa Túrgen aýylynda bolǵan, dep habarlaidy dalanews.kz.
Oblystyq Politsiia departamenti málimetinshe, jol apaty týraly habar túskennen keiin tártip saqshylary júrgizýshini anyqtap, ony ustaǵan.
Tekseris barysynda JAC markaly kólikti kámeletke tolmaǵan jasóspirim tizgindegeni belgili boldy. Politseiler ony jaýapkershilikke tartyp, ata-anasyna qatysty da eki bap boiynsha ákimshilik shara qoldanǵan.
Kólik aiyp turaǵyna qoiyldy. Qazir bul oqiǵaǵa bailanysty tergeý júrgizilip jatyr. Sońǵy protsessýaldyq sheshim zardap shekken balanyń meditsinalyq qorytyndysy shyqqannan keiin qabyldanady.
