Qazaqstanda moped ielerine salyq salý máselesi talqylanyp jatyr, dep habarlaidy dalanews.kz.
Qazir mopedter kólik salyǵynan bosatylǵan. Iesine salyq týraly habarlama kelse, ony daýlaýǵa múmkindik bar. Alaida bul tártip qaita qaralýy múmkin.
Almaty qalasy boiynsha Memlekettik kirister departamentiniń ókili Áset Esenjigitovtiń aitýynsha, mopedter de jol qozǵalysynyń tolyqqandy qatysýshysy bolǵandyqtan, olardy salyq júiesine engizý ádil sheshim bolady. Qazir bul másele Memlekettik kirister komitetimen birlesip pysyqtalyp jatyr.
Salyq organdarynyń málimetinshe, shaǵymdardyń bir bóligi kádimgi mopedke emes, tehnikalyq sipattamasy áldeqaida qýatty kólikterge túsedi. Máselen, keibir eki dóńgelekti kólikterdiń tehnikalyq qujatynda A1 sanaty kórsetilgenimen, qýaty 45 kVt-qa deiin jetip, saǵatyna 80 shaqyrym jyldamdyqpen júre alady.
Mamandar mundai tehnikany qarapaiym mopedke jatqyzý qiyn ekenin aitady. Osyǵan bailanysty salyq salý kezinde túsinispeýshilikter týyndap otyr. Ázirge naqty sheshim qabyldanbaǵan.
