قازاقستاندا موپەد يەلەرٸنە سالىق سالۋ مەسەلەسٸ تالقىلانىپ جاتىر, دەپ حابارلايدى dalanews.kz.
قازٸر موپەدتەر كٶلٸك سالىعىنان بوساتىلعان. يەسٸنە سالىق تۋرالى حابارلاما كەلسە, ونى داۋلاۋعا مٷمكٸندٸك بار. الايدا بۇل تەرتٸپ قايتا قارالۋى مٷمكٸن.
الماتى قالاسى بويىنشا مەملەكەتتٸك كٸرٸستەر دەپارتامەنتٸنٸڭ ٶكٸلٸ ەسەت ەسەنجٸگٸتوۆتٸڭ ايتۋىنشا, موپەدتەر دە جول قوزعالىسىنىڭ تولىققاندى قاتىسۋشىسى بولعاندىقتان, ولاردى سالىق جٷيەسٸنە ەنگٸزۋ ەدٸل شەشٸم بولادى. قازٸر بۇل مەسەلە مەملەكەتتٸك كٸرٸستەر كوميتەتٸمەن بٸرلەسٸپ پىسىقتالىپ جاتىر.
سالىق ورگاندارىنىڭ مەلٸمەتٸنشە, شاعىمداردىڭ بٸر بٶلٸگٸ كەدٸمگٸ موپەدكە ەمەس, تەحنيكالىق سيپاتتاماسى ەلدەقايدا قۋاتتى كٶلٸكتەرگە تٷسەدٸ. مەسەلەن, كەيبٸر ەكٸ دٶڭگەلەكتٸ كٶلٸكتەردٸڭ تەحنيكالىق قۇجاتىندا ا1 ساناتى كٶرسەتٸلگەنٸمەن, قۋاتى 45 كۆت-قا دەيٸن جەتٸپ, ساعاتىنا 80 شاقىرىم جىلدامدىقپەن جٷرە الادى.
ماماندار مۇنداي تەحنيكانى قاراپايىم موپەدكە جاتقىزۋ قيىن ەكەنٸن ايتادى. وسىعان بايلانىستى سالىق سالۋ كەزٸندە تٷسٸنٸسپەۋشٸلٸكتەر تۋىنداپ وتىر. ەزٸرگە ناقتى شەشٸم قابىلدانباعان.
