– Jandar Turaruly, Qazaq ulttyq qyzdar pedagogikalyq ýniversitetinde 2021-2022 oqý jyly qalai uiymdastyrylady?
– Qyzdar ýniversitetinde jańa oqý jylynda dárister men úlken aǵymdaǵy sabaqtar Microsoft Teams platformasy arqyly onlain rejimde júrgiziledi. Lektsiia kezinde toptyń 50% onlain rejimde, 50% oflain rejimde bilim alady. «Dene shynyqtyrý» páni sabaqtan tys ýaqytta ótkiziledi. Eskeretin jait, topta 1 stýdent aýyrǵan jaǵdaida topqa karantin jariialanady jáne búkil top onlain rejimge aýysady. Oqý formatyna qaramastan stýdentter jeke kabinette ornalastyrylǵan pánniń barlyq tapsyrmalaryn oryndaýlary qajet.
– Sizderdiń ýniversitetterińizde biyl oflain formatta kimder bilim alady?
– 2021-2022 oqý jylynda Qazaq ulttyq qyzdar pedagogikalyq ýniversitetinde oqý úderisi oflain jáne onlain formatta júzege asyrylady. Al oflain oqytýǵa ekpeniń eki dozasyn alǵan 1 kýrs stýdentteri (18 jáne odan joǵary jastaǵylar), ekpeniń eki dozasyn alǵan 2,3,4 kýrs stýdentteri, «kók» nemese «jasyl» tústi mártebesi bar bilim alýshylar. Osy rette aita keteiin, Qyzdar ýniversiteti elimizdegi joǵary oqý oryndarynyń arasynda alǵashqylardyń biri bolyp «Ashyq» qosymshasyn iske qosty. Basty maqsat – oqý orny aýmaǵynda koronavirýs indetin taratpaýǵa kepildik berý úshin jáne qaýipsizdikti arttyrý. Oqý ornyna tiesili ǵimarattarǵa kirý úshin arnaiy QR-kodty skanerlep, ony kireberiste kórsetý kerek. Qosymsha óz kezeginde qyzyl, sary, kók jáne jasyl statýstarǵa bólinetin qater reitingin kórsetedi. Bul pilottyq jobany ýniversitetke engizýimizdiń ózindik sebepteri bar. Eń negizgisi – oqý orny qyzmetkerleri arasynda virýstyń taralýyna tosqaýyl qoiý. Qyzdar ýniversiteti bilim alýshylardyń jáne oqý orny qyzmetkerleriniń densaýlyǵynyń qaýipsizdigin qamtamasyz etýge tyrysady.
– Durys eken. Al onlain formattaǵy oqýdy kimder jalǵastyrady?
– Jańa oqý jylynda risk tobyndaǵy bilim alýshylar oqýdy onlain formatta jalǵastyrady. Risk tobyna kimder kiredi? Eń birinshiden, vaktsina alýǵa jiberilmegen 17 jasqa tolmaǵan stýdentter, ekinshiden, aiaǵy aýyr stýdentter. Bul sanattaǵy bilim alýshylar júktiliktiń úlken merzimi bolǵan jaǵdaida akademiialyq demalysqa shyǵarylady. Úshinshiden, 1 jasqa deiin balalary bar stýdentter. Bular da arnaiy sheshim boiynsha akademiialyq demalysqa shyǵarylady. Tórtinshiden, vaktsina alýǵa ruqsat berilmegen meditsinalyq bosatýy bar stýdentter. Besinshiden, ózi nemese januiasy karantindegi stýdentter.
– Ómirińizdiń eń áserli shaǵy – stýdenttik kezeń bolsa, stýdenttik ómirdiń qyzyǵy – jataqhana ekendigi belgili. Esten ketpes hikaialar men qaitalanbas oqiǵalar stýdenttiń ekinshi úiindei bolyp ketken jataqhana qabyrǵasynda ótetini belgili. Arýlar ordasy – Qazaq ulttyq qyzdar pedagogikalyq ýniversitetine tiesili 7 stýdent úii bar. 2021-2022 oqý jylynda Qazaq ulttyq qyzdar pedagogikalyq ýniversitetiniń jataqhanalarynda ekpeniń eki komponentin alǵan stýdentter, jetim, ata-anasynyń qamqorlyǵynsyz qalǵan balalar, kóp balaly jáne az qamtylǵan otbasylardyń balalary, múgedektigi bar balalar jáne joǵaryda atap ótken risk tobyna kirmeitin stýdentter tura alady.
– Jańa oqý jylyndaǵy Siz atap ótken jańashyldyqtar bilim alýshylarǵa jan-jaqty túsindirilip jatqan bolar...
– Árine. Biz bilim alýshylardy saýatty ári naqty aqparatqa ǵana senýge shaqyryp jatyrmyz. Osy rette Ýniversitettiń Basqarma tóraǵasy – Rektor Gúlmira Ámirhanqyzy, Akademiialyq qyzmet jónindegi prorektor Erkin Jumanqulova barlyq institýttyń stýdentterimen, olardyń ata-analarymen, magistrant jáne doktoranttarmen onlain formatta kezdesýler ótkizýde. Microsoft Teams jelisinde uiymdastyrylǵan onlain jiyndarda «Jańa oqý jyly qandai formatta uiymdastyrylady?» «2021-2022 oqý jylynda qandai ózgerister bolmaq?», «Jańa oqý jylynda jataqhanada kimder tura alady?», «Bilim alýshylar úshin vaktsinatsiia mindetti me?», «Oflain oqytýǵa kimder jiberiledi?» syndy saýaldarǵa jan-jaqty jaýap berildi. Sonymen qatar kezdesý barysynda stýdentter men olardyń ata-analaryna ýniversitet basshylyǵyna mazalap júrgen suraqtaryn qoiyp, naqty jaýap alýǵa múmkindik berildi. Atap óterligi, jańa oqý jyly qarsańynda osy taqilettes jiyndar turaqty túrde ótkizilmek. Sondai-aq tikelei efir barysynda kelip túsken saýaldardyń barlyǵy iriktelip, jaýaptary ýniversitettiń áleýmettik jelidegi resmi paraqshalarynda jariialanatyn bolady.
– Jańa oqý jylynda 80 jyldyq tarihy bar Alma-materdiń ujymy men bilim alýshylaryna degen tilegińizdi bilsek...
– Qazirgi kúnde álemde tórt myńnan astam mamandyq bar. Sonyń ishinde ustazdyq qyzmet – qandai qoǵam, qandai zamanaýi ózgerister bolmasyn, bilim berý salasynda mańyzdy ról atqaryp qala bermek. Halqymyzdyń dańqty perzenti Maǵjan Jumabaev: «Alty Alashtyń balasy bas qosqan jerde eń qadirli oryn – ustazdiki» degen dana oi qaldyrǵan. Uly aqynnyń ulaǵatty sózi tehnika men tehnologiia qaryshtap damyǵan búgingi kúnde de óz ómirsheńdigin joiǵan emes. Qoǵamǵa adal qyzmet etetin kadrlardy daiarlaýda basty ról atqaratyn áriptesterimizdi jańa oqý jylynyń bastalýymen shyn júrekten quttyqtaimyn! Bul mereke – jańa izdenisterdiń, jańa bastamalardyń, jańa ideialardyń simvoly. Sondyqtan da bul meiramnyń árbir adam ómirinde alar orny erekshe. Jańa oqý jyly barshańyzdy jańa jetistikterge jetelesin. Oqýda da, eńbekte de alda bolaiyq.
– Jandar Turaruly, áńgimeńizge raqmet! Tabys tileimiz!
