QazUÝ-diń 334 ǵalymy 74,8 mln teńge syiaqy aldy
Bilim ordasynyń basshysy Janseiit Túimebaevtyń sheshimimen arnaiy syiaqyǵa Scopus málimetter bazasynyń jýrnaldarynda maqala jariialaǵan 234 avtor ie boldy. Jalpy somasy 74,8 mln teńgeni quraǵan syiaqy mólsheri CiteScore reitingtik jýrnaldarynyń STR, kvartil jáne protsentil kórsetkishterine bailanysty taǵaiyndaldy.
Bul QazUÝ avtorlaryn materialdyq turǵydan yntalandyrý jáne bilim alýshylar men oqytýshylardy ǵylymi-zertteý jumystaryna tartýdyń eń tiimdi quraldarynyń biri bolyp tabylady. Sondai-aq QazUÝ-dyń ýniversitetterdiń álemdik reitinginde ilgerileýine aitarlyqtai áser etpek.
Qarjylai syiaqy aldaǵy ýaqytta da Scopus derekter bazasyna kiretin jýrnaldarda jariialanǵan reitingtik maqalalardyń avtorlaryna beriledi. Olardyń arasynda dáieksózdiligi joǵary reitingtik maqalalar basymdyqqa ie bolady. Ýniversitettiń oqytýshy-professorlyq quramy men ǵylymi qyzmetkerleri, sonymen qatar bilim alýshylarynyń maqalalary úshin de beriletinin atap ótken jón.
Scopus – ǵylymi basylymdardyń maqalalarynan dáieksóz alý deńgeiin anyqtaýǵa múmkindik beretin álemdegi eń iri referattyq derekqor. Álemdik bazany ýniversitetter de, ǵylymi-zertteý institýttary da qyzmetkerlerdiń jariialanym strategiiasyn anyqtaýǵa, al reitingtik agenttikter joǵary oqý oryndarynyń álemdik reitingterin qurý úshin paidalanady.
