Ákimshilik-iskerlik ortalyqta 7, 9 jáne 12 qabatty jalpy aýdany 350 myń sh.m. bolatyn 82 turǵyn úidiń qurylysy memlekettik biýdjet esebinen júrgizilýde. 800-ge jýyq páter ipoteka arqyly jáne kezekte turǵan otbasylarǵa úilestirilip jatyr.
12 qabatty 10 turǵyn úi aldaǵy qyrkúiek, qazan ailarynda paidalanýǵa beriledi. Túrkistan oblysynyń ákimi Ómirzaq Shókeevtiń tóraǵalyǵymen ótken aptalyq apparat otyrysynda aimaq basshysyna turǵyn úi týraly sońǵy málimetter baiandaldy.
Oblys ortalyǵyndaǵy 2 myńnan astam páterli 12 qabatty 29 turǵyn úi qyrkúiek-qarasha ailarynda qabyldaýdan ótetin bolady. Qurylys basynda myńnan astam qurylysshy eńbek etýde.
Shaharda jalpy sany 48 turǵyn úi jeke investorlar esebinen boi kóterdi. 12 qabatty 6 turǵyn úi jyl sońyna deiin el igiline berilmek. Jeti qabatty 15 úidiń qurylysy da qarqyndy. Sonymen qatar, 9 qabatty 5 turǵyn úidiń qurylysy keler jyldyń basynda tolyq aiaqtalmaq.
Jinalysta Túrkistan qalasynda salynyp jatqan nysandar men injenerlik infraqurylym júieleriniń jaǵdaiy týraly baiandaldy. Oblys ákimi 20-dan astam jańa nysandardyń qurylys barysy týraly sońǵy málimettermen tanysty. Jaýapty basshylarǵa qurylysty belgilengen kestege sáikes aiaqtaýdy tapsyrdy.
