Qyzdar ýniversitetine rektory taǵaiyndaldy
Vedomstvo basshysy Gúlmira Ámirhanqyzyna 80 jylǵa jýyq tarihy ýniversitetti damytý jolyndaǵy jumysyna sáttilik tiledi.
– Ózderińiz biletindei, el Prezidenti jastardy memleketti basqarý isine tartý máselesine kóp kóńil bóledi. Biz Memleket basshysynyń saiasatyn, sonyń ishinde bilim berý júiesine jańa kóshbasshylardy tartý boiynsha jumystardy jalǵastyryp kelemiz. Jańa kóshbasshylar – óz elin, jerin súietin patriottardan quralǵan jas urpaq. Kóbiniń halyqaralyq tájiribesi bar, olar – kásibi ortada keńinen tanymal jáne maman retinde qalyptasqan tulǵalar. Tek sońǵy birneshe aidyń ishinde elimizdegi jetekshi joǵary oqý oryndarynyń basshylary bolyp áleýeti zor, tájiribesi mol kóshbasshylar taǵaiyndaldy. Sonyń biri – Gúlmira Ámirhanqyzy. Jas kóshbasshylar óz bilimi men tájiribesin elimizdiń gúldenýi jolynda paidalanyp, eńbek úlesterin qosady dep oilaimyz. Olardyń árqaisysyna úlken úmit artylyp otyr, – dedi Ashat Aimaǵambetov.
Aita keteiik, Gúlmira Ámirhanqyzy Qanai 1986 jylǵy 12 qańtarda Jambyl oblysynyń Taraz qalasynda dúniege kelgen.
2007 jyly Abylai han atyndaǵy Qazaq halyqaralyq qatynastar jáne álem tilderi ýniversitetiniń bakalavriatyn «Lingvist: aǵylshyn tili muǵalimi» mamandyǵy boiynsha úzdik baǵamen támamdaǵan.
2009 jyly atalǵan joǵary oqý ornynyń magistratýrasyn «Aýdarma isi» mamandyǵy boiynsha úzdik baǵamen bitirgen.
Gúlmira Qanai – Halyqaralyq «Bolashaq» baǵdarlamasynyń túlegi.
2011 jyly Ulybritaniianyń Vorvik ýniversitetiniń magistratýrasyn «Bilim berý salasyndaǵy basqarý» mamandyǵy boiynsha, 2019 jyly Kembridj Ýniversiteti Bilim berý fakýltetiniń doktorantýrasyn úzdik támamdaǵan.
Ǵylymi dárejesi – PhD.
Eńbek jolyn 2007 jyly Abylai han atyndaǵy Qazaq halyqaralyq qatynastar jáne álem tilderi ýniversitetiniń oqytýshysy qyzmetinen bastaǵan.
2011-2012 jyldary aralyǵynda Nazarbaev Ýniversiteti Halyqaralyq yntymaqtastyq departamentiniń konsýltanty;
2012-2014 jyldary aralyǵynda Nazarbaev Ýniversiteti Halyqaralyq yntymaqtastyq departamentiniń menedjeri;
2014-2020 jyldary aralyǵynda Nazarbaev Ýniversiteti Oqýǵa qabyldaý departamentiniń aǵa menedjeri qyzmetterin atqarǵan.
2020 jyldyń qańtar aiynan beri osy ýaqytqa deiin Nazarbaev Ýniversiteti Joǵary bilim berý mektebiniń Postdoktoranty.
Gúlmira Ámirhanqyzynyń doktorlyq dissertatsiiasy «Qazaqstan mektepterindegi muǵalimder kóshbasshylyǵyn damytý» taqyrybyn zertteýge arnalǵan.
Búginde ol «Qazaqstandyq muǵalimderdiń kóshbasshylyǵy» zertteý jobasynyń jetekshisi.
Ǵylymi zertteý jumysynyń nátijeleri birneshe halyqaralyq jáne otandyq ǵylymi basylymdarda jariialanǵan.
Zertteý baǵyttary:
- Bilim berý salasyndaǵy kóshbasshylyq pen menedjment;
- Muǵalimderdiń kóshbasshylyǵyn damytý;
- Pedagogikalyq bilim berý;
- Oqytýdy uiymdastyrý.
Gúlmira Ámirhanqyzy Qanai Bilim berý salasyndaǵy Qazaqstan zertteýshileri qaýymdastyǵynyń (KERA), Bilim berý salasyndaǵy AQSh zertteýshileri qaýymdastyǵynyń (AERA) múshesi.
Baspasóz jáne qoǵammen bailanys bólimi
