Qyzdar ýniversiteti XIX ǵasyrda shyqqan kitaptardyń tsifrly kóshirmesi jasady
Sondai-aq «Rýhani jańǵyrý» baǵdarlamasy aiasynda shyqqan «Jańa gýmanitarlyq bilim. Qazaq tilindegi 100 jańa oqýlyq» jobasy boiynsha qazaq tiline aýdarylǵan kitaptardyń elektrondy nusqasy da júkteldi.
Kitaphana oqyrmandarynyń kez kelgen ádebietti kompiýterge nemese mobildi telefonǵa júktep alý múmkindigi qarastyrylǵan.
Aita keteiik, oqý ornynyń elektrondy kitaphana qorynda 10 myńnan astam ádebiet saqtaýly. Onyń ishinde litsenziialandyrylǵan taspalar, oqýlyqtar men sirek basylymdardyń elektrondy jáne tsifrlandyrylǵan nusqalary bar.
Jalpy alǵanda, Qazaq ulttyq qyzdar pedagogikalyq ýniversitetiniń Ǵylymi kitaphanasyndaǵy ádebietter qory 1 millionnan asady. Basylymdardyń 700 myńǵa jýyǵy oqý quraldary bolsa, 192 myńnan astamy ǵylymi baǵyttaǵy kitaptar. Al kórkem ádebiettiń úlesi 142 myń shamasynda. Ýniversitettiń kitap qorynda 54 myń shamasynda sózdikter, anyqtamalyqtar men entsiklopediialar saqtaýly. Jalpy, ádebietterdiń 936 512-si qazaq tilinde, 120 939-y orys tilinde jáne 10 327-i shetel tilderinde.
