سونداي-اق «رۋحاني جاڭعىرۋ» باعدارلاماسى اياسىندا شىققان «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى بويىنشا قازاق تىلىنە اۋدارىلعان كىتاپتاردىڭ ەلەكتروندى نۇسقاسى دا جۇكتەلدى.
كىتاپحانا وقىرماندارىنىڭ كەز كەلگەن ادەبيەتتى كومپيۋتەرگە نەمەسە ءموبيلدى تەلەفونعا جۇكتەپ الۋ مۇمكىندىگى قاراستىرىلعان.
ايتا كەتەيىك، وقۋ ورنىنىڭ ەلەكتروندى كىتاپحانا قورىندا 10 مىڭنان استام ادەبيەت ساقتاۋلى. ونىڭ ىشىندە ليسەنزيالاندىرىلعان تاسپالار، وقۋلىقتار مەن سيرەك باسىلىمداردىڭ ەلەكتروندى جانە سيفرلاندىرىلعان نۇسقالارى بار.
جالپى العاندا، قازاق ۇلتتىق قىزدار پەداگوگيكالىق ۋنيۆەرسيتەتىنىڭ عىلىمي كىتاپحاناسىنداعى ادەبيەتتەر قورى 1 ميلليوننان اسادى. باسىلىمداردىڭ 700 مىڭعا جۋىعى وقۋ قۇرالدارى بولسا، 192 مىڭنان استامى عىلىمي باعىتتاعى كىتاپتار. ال كوركەم ادەبيەتتىڭ ۇلەسى 142 مىڭ شاماسىندا. ۋنيۆەرسيتەتتىڭ كىتاپ قورىندا 54 مىڭ شاماسىندا سوزدىكتەر، انىقتامالىقتار مەن ەنسيكلوپەديالار ساقتاۋلى. جالپى، ادەبيەتتەردىڭ 936 512ء-سى قازاق تىلىندە، 120 939-ى ورىس تىلىندە جانە 10 327ء-ى شەتەل تىلدەرىندە.
