Nursultan Nazarbaevtyń bilim berý qory Qazaqstan-Brıtan tehnıkalyq ýnıversıtetine (QBTÝ) baqylaýdy qaıtadan ıelendi, dep habarlaıdy Dalanews.kz.

Qoǵamdyq NNEF qory, onyń quryltaıshylarynyń biri - Dınara Qulybaeva, 2025 jyldyń qyrkúıek aıynda QBTÝ-dyń aksıoneri atandy. Buǵan deıin ýnıversıtet Qaıtarylǵan aktıvterdi basqarý kompanıasynyń menshiginde bolǵan.

Aksıonerdiń aýysqany týraly aqparat qarjylyq eseptilik depozıtarııiniń resmı saıtynda jarıalanǵan.

Korporatıvtik oqıǵalar jónindegi ózge bir esepte QBTÝ ǵımaratynyń memleket menshigine berilgeni kórsetilgen.

Jarıalanǵan aksıoner sheshiminde:

«1957 jyly salynǵan, respýblıkalyq mańyzy bar tarıh jáne mádenıet eskertkishi sanalatyn, Almaty qalasy Tóle bı kóshesi, 59 mekenjaıynda ornalasqan “QBTÝ” AQ-nyń ákimshilik ǵımaratyn syıǵa tartý sharty jasalyp, qabyldaý-tapsyrý aktisine qol qoıý arqyly memleketke berý. Atalǵan ǵımaratty senimgerlik basqarýǵa berý týraly shart jasasýdy bastaý», - delingen.

Osylaısha ýnıversıtet ǵımaraty memleket balansyna ótse, al bilim berý qyzmeti men ýnıversıtettiń korporatıvtik basqarýy qaıtadan Nazarbaev qorynyń qurylymyna qarasty bolyp otyr.

Qazirgi tańda atalǵan sheshimge baılanysty memlekettik organdar tarapynan qosymsha túsinikteme berilgen joq.