Almaty oblysynyna qarasty Eńbekshiqazaq aýdanynda qum-qiyrshyq tas qospasyn zańsyz óndirýdiń qaitalanǵan faktisi anyqtalyp, joly kesildi, dep habarlaidy Dalanews.kz.
Azamat «K» buǵan deiin ákimshilik jaza qoldanylǵanyna qaramastan, arnaiy ruqsat qujattarynsyz ekskavator arnaiy tehnikasyn paidalana otyryp, paidaly qazbalardy zańsyz óndirýdi qaita júzege asyrǵan.
Zańsyz óndirilgen materialdyń jalpy kólemi 32 tekshe metr bolǵan.
Quqyq buzýshynyń áreketteri jer qoinaýyn paidalaný salasyndaǵy zańnama talaptaryn óreskel buzǵan. Birinshi satydaǵy sot ony ÁQBtK-niń 139-baby 2-bóligi boiynsha kináli dep tanyp, 220 myń teńge mólsherinde ákimshilik aiyppul salǵan.
Sonymen qatar, atalǵan quqyq buzýshylyqty qaitalap jasaǵany úshin kózdelgen sanktsiia aiyppulmen qatar, quqyq buzýshylyqty jasaý barysynda paidalanylǵan quraldar men qarajattardy mindetti túrde tárkileýdi de qarastyrady.
Almaty oblysy prokýratýrasynyń aralasýynyń nátijesinde, joǵary turǵan sot alǵashqy qaýlyny ózgertip, naryqtyq quny shamamen 25 mln teńge bolatyn «Zaxis LCN 200» markaly ekskavatordy tárkileý túrindegi qosymsha jaza qoldandy.
Jer qoinaýyn paidalaný salasyndaǵy zańdylyq qalpyna keltirilip, quqyqqa qaishy áreketterge tiisti quqyqtyq baǵa berildi.
