الماتى وبلىسىنىنا قاراستى ەڭبەكشٸقازاق اۋدانىندا قۇم-قيىرشىق تاس قوسپاسىن زاڭسىز ٶندٸرۋدٸڭ قايتالانعان فاكتٸسٸ انىقتالىپ, جولى كەسٸلدٸ, دەپ حابارلايدى Dalanews.kz.
ازامات «ك» بۇعان دەيٸن ەكٸمشٸلٸك جازا قولدانىلعانىنا قاراماستان, ارنايى رۇقسات قۇجاتتارىنسىز ەكسكاۆاتور ارنايى تەحنيكاسىن پايدالانا وتىرىپ, پايدالى قازبالاردى زاڭسىز ٶندٸرۋدٸ قايتا جٷزەگە اسىرعان.
زاڭسىز ٶندٸرٸلگەن ماتەريالدىڭ جالپى كٶلەمٸ 32 تەكشە مەتر بولعان.
قۇقىق بۇزۋشىنىڭ ەرەكەتتەرٸ جەر قويناۋىن پايدالانۋ سالاسىنداعى زاڭناما تالاپتارىن ٶرەسكەل بۇزعان. بٸرٸنشٸ ساتىداعى سوت ونى ەقبتك-نٸڭ 139-بابى 2-بٶلٸگٸ بويىنشا كٸنەلٸ دەپ تانىپ, 220 مىڭ تەڭگە مٶلشەرٸندە ەكٸمشٸلٸك ايىپپۇل سالعان.
سونىمەن قاتار, اتالعان قۇقىق بۇزۋشىلىقتى قايتالاپ جاساعانى ٷشٸن كٶزدەلگەن سانكتسييا ايىپپۇلمەن قاتار, قۇقىق بۇزۋشىلىقتى جاساۋ بارىسىندا پايدالانىلعان قۇرالدار مەن قاراجاتتاردى مٸندەتتٸ تٷردە تەركٸلەۋدٸ دە قاراستىرادى.
الماتى وبلىسى پروكۋراتۋراسىنىڭ ارالاسۋىنىڭ نەتيجەسٸندە, جوعارى تۇرعان سوت العاشقى قاۋلىنى ٶزگەرتٸپ, نارىقتىق قۇنى شامامەن 25 ملن تەڭگە بولاتىن «Zaxis LCN 200» ماركالى ەكسكاۆاتوردى تەركٸلەۋ تٷرٸندەگٸ قوسىمشا جازا قولداندى.
جەر قويناۋىن پايدالانۋ سالاسىنداعى زاڭدىلىق قالپىنا كەلتٸرٸلٸپ, قۇقىققا قايشى ەرەكەتتەرگە تيٸستٸ قۇقىقتىق باعا بەرٸلدٸ.
