Nursultan Nazarbaevtyń bilim berý qory Qazaqstan-Britan tehnikalyq ýniversitetine (QBTÝ) baqylaýdy qaitadan ielendi, dep habarlaidy Dalanews.kz.
Qoǵamdyq NNEF qory, onyń quryltaishylarynyń biri - Dinara Qulybaeva, 2025 jyldyń qyrkúiek aiynda QBTÝ-dyń aktsioneri atandy. Buǵan deiin ýniversitet Qaitarylǵan aktivterdi basqarý kompaniiasynyń menshiginde bolǵan.
Aktsionerdiń aýysqany týraly aqparat qarjylyq eseptilik depozitariiiniń resmi saitynda jariialanǵan.
Korporativtik oqiǵalar jónindegi ózge bir esepte QBTÝ ǵimaratynyń memleket menshigine berilgeni kórsetilgen.
Jariialanǵan aktsioner sheshiminde:
«1957 jyly salynǵan, respýblikalyq mańyzy bar tarih jáne mádeniet eskertkishi sanalatyn, Almaty qalasy Tóle bi kóshesi, 59 mekenjaiynda ornalasqan “QBTÝ” AQ-nyń ákimshilik ǵimaratyn syiǵa tartý sharty jasalyp, qabyldaý-tapsyrý aktisine qol qoiý arqyly memleketke berý. Atalǵan ǵimaratty senimgerlik basqarýǵa berý týraly shart jasasýdy bastaý», - delingen.
Osylaisha ýniversitet ǵimaraty memleket balansyna ótse, al bilim berý qyzmeti men ýniversitettiń korporativtik basqarýy qaitadan Nazarbaev qorynyń qurylymyna qarasty bolyp otyr.
Qazirgi tańda atalǵan sheshimge bailanysty memlekettik organdar tarapynan qosymsha túsinikteme berilgen joq.
