Konstitýtsiialyq keńestiń ekinshi otyrysynda Qazaqstannyń jańa Konstitýtsiiasynda sóz bostandyǵy men beibit jinalystar erkindigin shekteý jóninde usynys aityldy, dep habarlaidy Dalanews.kz.
Konstitýtsiialyq reforma aiasynda usynylǵan túzetýlerdi Májilis depýtaty Snejana Imasheva tanystyrdy. Onyń aitýynsha, Konstitýtsiiaǵa qosymsha shekteý engizý kózdelip otyr.
"Qosymsha konstitýtsiialyq shekteý engiziledi - sóz bostandyǵy ózge adamdardyń ar-namysy men qadir-qasietine, qoǵamnyń rýhani-adamgershilik qundylyqtar júiesine, qoǵamdyq tártipke nuqsan keltirmeýi tiis. Sondai-aq zorlyq-zombylyqty, soǵysty jáne alaýyzdyqty nasihattaý men oǵan arandatýǵa tyiym salý tizimi keńeitiledi. Tsenzýraǵa tyiym salý derbes konstitýtsiialyq kepildik retinde saqtalady", - dedi depýtat.
Sonymen qatar, beibit mitingilerdi uiymdastyrýdan bas tartýǵa negiz bolatyn sebepterdiń tizimin keńeitý máselesi de talqylanyp jatyr.
"Azamattardyń beibit jinalystarǵa quqyǵy týraly bapqa da naqtylaýlar usynylady. Bul quqyqty zańmen shekteýge bolatyn negizder keńeitiledi. Maqsattar tizimine: konstitýtsiialyq qurylystyń negizderin qorǵaý, ulttyq qaýipsizdikti qamtamasyz etý jáne qoǵamnyń rýhani-adamgershilik qundylyqtar júiesin saqtaý engiziledi", - dedi Imasheva.
Depýtattyń pikirinshe, bul ózgerister beibit jinalys bostandyǵyn qoǵamdyq jáne memlekettik múddelermen teńestirý kezinde quqyqtyq aiqyndyqty kúsheitýge baǵyttalǵan.
Sonymen qatar, Konstitýtsiia normalaryn naqtylaý arqyly adam qadir-qasietin ǵana emes, onyń ar-namysyn - iaǵni jaqsy aty men qoǵamdyq bedelin qorǵaý da kózdelip otyr.
"Zańmen qorǵalady" degen sózderdiń qosylýy bul normanyń mazmunyn anaǵurlym praktikalyq sipatqa jetkizedi. Bul jai ǵana qaǵida emes, memlekettiń adamdy, onyń qadir-qasieti men ar-namysyn tiimdi qorǵaýdy qamtamasyz etý jónindegi tikelei mindetine ainalady", - dep túiindedi depýtat.
