Prezident Bas prokýratýrada jiyn ótkizdi, dep habarlaidy Dalanews.kz.
Memleket basshysynyń aitýynsha, azamattarǵa destrýktivti kontentti taratýdyń quqyqtyq saldary jóninde únemi túsindirý jumystaryn júrgizgen jón.
"Tehnologiianyń qarqyndy damýy aqparattyq keńistiktiń túbegeili transformatsiiasyna jol ashady. Qoǵamdy jikke bólip, azamattardy bir-birine qarsy qoiatyn destrýktivti aqparat taratýǵa beiil adamdar da bar. Munyń bári óshpendilikke bastaityn eshkimge qajetsiz, tipti qaýipti pikirtalasqa jalǵasady. Jasandy intellektini osyndai adamdar aqparattyq qarýǵa ainaldyryp, zańǵa qaishy keletin kontentterdi kóptep tarata bastaidy. Buǵan jol berýge bolmaidy. Ondai áreketterge quqyqtyq baǵa berip, jaýapkershilikke tartý qajet. Azamattarǵa destrýktiv kontentti taratýdyń quqyqtyq saldary jóninde únemi túsindirý jumystaryn júrgizgen jón", - dedi Prezident.Qasym-Jomart Toqaevtyń pikirinshe, tártipsizdik pen zańsyzdyqqa jol berýge bolmaidy.
"Ulttyq quryltai otyrysynda men otanshyldyq uǵymy týraly pikirimdi aittym. Otanshyldyq bul jai uran emes, otanshyldyq degenimiz – qasietti sezim, munyń ásireultshyldyqqa esh qatysy joq. Qazaqstanda biz otanshyldyq uǵymyna jaýapkershilik jáne jasampazdyq turǵysynan qaraýymyz kerek, iaǵni otanshyl azamat eń aldymen jaýapkershiligi joǵary jáne jasampaz azamat bolýǵa tiis. Otanǵa degen súiispenshilik saiasi upai jinaý nemese qyzmettik mansap jasaý emes, bul – Otanyńa jaqsylyq jasaý, elińe paida ákelý degen sóz", - dedi Toqaev.
